İsrail ordusu Qəzzanı blokadaya alıb

İsrail ordusu gecə saatlarından sakitliyin hökm sürdüyü mühasirədə olan Qəzza zolağında bəzi ərazilərə zərbələr endirib.

Sonxeber.az xəbər verir ki, Qəzza zolağının cənubundakı Xan Yunus bölgəsinin şərqindən partlayış səsləri eşidilib.

İsrail ordusunun sosial media hesabından edilən açıqlamada Xan Yunus bölgəsindəki hücuma hazırlıq zamanı raket atış sahəsinin hədəf alındığı irəli sürülüb.

Ötən gün İsrailin Qəzza zolağına endirdiyi aviazərbə nəticəsində 15 fələstinli ölüb, 22 nəfər yaralanıb. Hücumlarda həyatını itirənlər arasında İslami Cihad Hərəkatının hərbçilərindən 3 nəfərin olduğu açıqlanıb.

Bildirilib ki, gecə saatlarından etibarən bölgədə sakitlik hökm sürür.

Fələstinli məhbus Hıdır Adnanın mayın 2-də İsrailin həbsxanada mühakimə olunmadan inzibati həbsinə qarşı 87 günlük aclıq aksiyasından sonra vəfat etməsi ilə bölgədə gərginlik daha da artıb.

Qəzzadan İsrail istiqamətində raketlər atılıb və İsrail ordusu Qəzzaya havadan hücum edib. Bölgədə gərginlik 24 saatdan sonra atəşkəslə nəticələnib.

Telegramda izləyin