"ÜST dünyaya ən çox zərər verən beynəlxalq qurum oldu" - TƏHLİL

"Pandemiya bitsə də onun iqtisadi zərərlərini dünya hələ yaxın 3 ildə hiss edəcək. ÜST-ün əlinə fürsət düşdü, dünyanı yaxşı fırlatdı, varlandı. Elə ABŞ milyaderləri də təkcə pandemiyanın ilk ilində 1,6 trilyon qazandı. İqtisadiyyatlara 18 trilyon dollar boş pul kütləsi buraxıldı. Pulu buraxıb, dəyər zəngirini qırdılar. İnfilyasiya şişdi. İqtisadiyyata dəymiş zərərlər virusun öldürdüyü insanlardan daha çox insan öldürdü. Virus bitdi, amma ÜST-ün qərarları ilə yaranan kriz hələ ən azı 3 il, bəlkə də daha çox can almaqda davam edəcək".

Bu sözləri Sonxeber.az-a iqtisadçı-ekspert Eldəniz Əmirov deyib.

O bildirib ki, buna görə də hansı qurumun, audit şirkətinin və ya ekspertin adının qabağında "Beynəlxalq" sözü varsa, mən həmin quruma, həmin audit şirkətinə və həmin eksperlərin nə özlərini, nə rəylərini, nə də proqnozlarını ciddiyə almıram. Çünki onların yanlış rəy və proqnozlarından ibarət özümdə bir Data toplayıram.

"Amerikanın müflis olaraq bağlanan Silicon Valley Bank, Signature Bank və First Republic Bankın hər biri bağlanmazdan günlər əvvəl KPMG audit şirkəti tərəfindən audit olunmuş və hər 3 bankın vəziyyətinin qənaətbəxş olduğunu bildirmişdi".

Telegramda izləyin