Ruandada soyqırımı dəstəklədiyi iddiası ilə 234 nəfər saxlanılıb

Ruandada 1994-cü ildə minlərlə insanın həyatını itirdiyi soyqırımı dəstəklədiyi iddiası ilə 234 nəfər saxlanılıb.

Sonxeber.az xəbər verir ki, Ruanda Statistika İdarəsindən verilən açıqlamada bir çox adamın soyqırımı dəstəklədiyi iddiası ilə istintaqa cəlb edildiyi paylaşılıb.

Açıqlamada, 7 aprel-4 iyun tarixləri arasında Ruandada soyqırımı dəstəkləmək ittihamı ilə 234 nəfərin nəzarətə alındığı bildirilib.

Şübhəlilər soyqırımı inkar etmək və ya ona hörmətsizlik etmək, soyqırımı və ya sağ qalanlara qarşı zorakılığı qanuniləşdirmək, soyqırımla bağlı məlumat və sənədlərin məhv edilməsi kimi cinayətlərə görə mühakimə olunurlar. Bu cinayətləri törətdikləri müəyyən edilən şəxsləri 2 ildən 4 ilə qədər həbs və pul cəzası gözləyir.

1994-cü ildə Ruandada Hutular o zamankı prezident Juvenal Habyarimana-nın təyyarəsinin qəzaya uğramasında günahlandırdıqları tutsilərə qarşı soyqırım başlatmışdılar.Ölkədə 100 gündür davam edən qırğında, çoxu tutsi olan 800 mindən çox insan həyatını itirib.

Telegramda izləyin