İtaliyada meşə yanğını səbəbindən uçuşlar dayandırılıb

İtaliyanın Siciliya adasında başlayan meşə yanğınında alovlar hava limanına yaxınlaşıb. Hava limanında uçuşlar dayandırılıb, yaşayış məntəqələri boşaldılıb.

Sonxeber.az xəbər verir ki , Avropada həddindən artıq istilərdən sonra başlayan meşə yanğınları İtaliyanı da vurub.

Siciliya adasının Palermo şəhərinin Cinisi qəsəbəsində gecə saatlarında başlayan və temperaturun 47 dərəcəyə çatdığı meşə yanğını küləyin təsiri ilə qısa müddətdə genişlənib.

Alov Falcone Borsellino hava limanına yaxınlaşdığından uçuşlar dayandırılıb.

Palermoda risk altında olan bir çox yaşayış məntəqələri boşaldılıb.

Səlahiyyətlilər tərəfindən verilən açıqlamada çətin hava şəraiti səbəbindən yanğına müdaxilənin çətinləşdiyi, İtaliyanın digər bölgələrindən də gücləndirmə dəstələrinin göndəriləcəyi bildirilib.

Yanğınlarla əlaqədar şəhərin bəzi magistral yollarının nəqliyyata bağlandığı açıqlanıb.

Telegramda izləyin