"Məqsədimiz insanları siqaretdən imtina etdirməkdir" - Paşinyan

Ermənistanın Baş naziri Nikol Paşinyan ictimai qida müəssisələrində siqaret çəkilməsi qadağasına nəzarəti gücləndirməyi tapşırıb.

Sonxeber.az xəbər verir ki, Nazirlər Kabinetinin iclasında çıxış edən Paşinyan bir çox hallarda siqaret qadağasına məhəl qoyulmadığını vurğulayıb.

"Məqsədimiz cərimə etmək deyil, məqsədimiz insanları siqaretdən imtina etdirməkdir. Sahibkarlar və işçilər də məsuliyyət daşımalıdırlar ki, siqaret çəkməyə icazə verməsinlər", - deyə Paşinyan bildirib.
O əlavə edib ki, məqsəd siqaret çəkənlər üçün ən narahat şərait yaratmaqdır.

Daxili işlər naziri Vahe Qazaryan bildirib ki, 2023-cü il yanvarın 1-dən bu günə qədər siqaret çəkmə qadağasının pozulmasına görə ümumilikdə 7186 inzibati protokol tərtib edilib, onlardan 790-ı ictimai yemək yerlərində olub.

Şəbnəm Lətifi

Telegramda izləyin