"Azərbaycan yalnız və yalnız hərbi məntəqələri hədəf aldı"- Cavid Osmanov

"Antiterror əməliyyatı yüksək peşəkarlıqla həyata keçirildi. Bir daha bütün dünya gördü ki, Azərbaycan yalnız və yalnız hərbi məntəqələri hədəf aldı".

Bu sözləri Milli Məclisin deputatı Cavid Osmanov Sonxeber.az-a deyib.

Deputat vurğulayıb ki, artıq Azərbaycanın bütün ərazilərində üçrəngli bayrağımız dalğalanacaq. Bu, tarxi bir prosesdir:

"Xüsusi qeyd etmək lazımdır ki, Azərbaycan Respublikasının Prezidenti Müzəffər Ali Baş Komandan cənab İlham Əliyevin rəhbərliyi ilə 24 saat ərzində unikal antterror əməliyyatı keçirildi və nəticə etibarilə artıq Azərbaycan ərazisində qalmış xunta rejimi məcbur olaraq ağ bayraq qaldırdı, təslim oldular. Antiterror əməliyyatı yüksək peşəkarlıqla həyata keçirildi. Bir daha bütün dünya gördü ki, Azərbaycan yalnız və yalnız hərbi məntəqələri hədəf aldı. Heç bir mülki əhaliyə və infrastruktura ziyan dəymədi. Antiterror əməliyyatında ən vacib məqam bu idi. Ali baş komandan bunu silahlı qüvvələrin qarşısında bir vəzifə kimi müəyyənləşdirmişdi. Artıq Azərbaycanın bütün ərazilərində üçrəngli bayrağımız dalğalanacaq. Bu, tarxi bir prosesdir".

Telegramda izləyin