Qərbin vicdanındakı LƏKƏ – "Ermənilərin reinteqrasiyasını da öz uğurları kimi təqdim edəcəklər"

"Laçın dəhlizi", "Humanitar fəlakət" və "Bakı ilə Qarabağ erməniləri arasında beynəlxalq dialoq formatı" mövzularında Ermənistanın və Azərbaycana antipatiya bəsləyən ünsürlərin böhtan kampaniyası iflasa uğradı. Lakin, avropalılar və amerikalılar hələ də "Qarabağ ermənilərinin etnik təmizlənməsi" mövzusunu davam etdirirlər".

Bu fikirləri Cənubi Qafqaz Araşdırmalar Mərkəzinin şərhində qeyd olunub.

"Ermənistan əsassız olaraq hələ də Azərbaycanın Qarabağ ermənilərinə qarşı etnik təmizləmə aparacağını deyir. ABŞ və Aİ də erməni nağılları ilə birmənalı şəkildə razılaşır və Azərbaycana qarşı tələblər irəli sürür, bəzənsə hədələyici tonda danışırlar. Halbuki, Azərbaycan bəyan edir ki, etnik təmizləmə aparmayıb, aparmaq niyyətində də deyil.

Bəs, bu səs-küy nəyə lazımdır?

Artıq Azərbaycan dinc yolla reinteqrasiya prosesinə başlayıb. Buna görə də ermənilərin və Qərbin əvvəlki tezisləri öz əhəmiyyətini itirib. Ona görə də Qərb yeni tezislər hazırlayır. Bu dəfə isə onlar reinteqrasiyanı özlərinin uğuru kimi təqdim edəcəklər. Və bunu da iddia edəcəklər ki, "Qarabağ ermənilərinin etnik təmizlənməsi"nin qarşısını biz aldıq.

Qərbin "etnik təmizləmə" ittihamı niyə iflas etdi?

Bunun bir sıra səbəbləri var:

- 25 ildir ki, Azərbaycan ərazi bütövlüyünün bərpası, azərbaycanlıların işğal olunmuş ərazilərə qaytarılması və Qarabağ erməniləri ilə Azərbaycanın tərkibində birgə yaşamağa hazır olduğunu göstərmək məqsədi ilə səbirlə danışıqlarda iştirak edir.

- 44 günlük müharibədən sonra Azərbaycan azad olunmuş ərazilərdə müvafiq infrastruktur olmadığından Ermənistandan resurs təminatına göz yumaraq, ermənilərin Qarabağa qayıtmasına şərait yaratdı. Lakin, Azərbaycan 2021-ci ilin lap əvvəlindən müvəqqəti vəziyyətin uzun sürməyəcəyini və mərhələli şəkildə reinteqrasiyaya başlanmalı olduğu bəyan etdi.

Yəni Azərbaycan zəruri infrastruktur yaratdıqdan sonra Ermənistandan Qarabağa göndərilən yüklər məsələsini gündəmə gətirdi. Və erməni əhalisinin Qarabağda qalması üçün şərtlərini açıqladı.

Antiterror tədbirlərində Azərbaycan hədəfini açıq göstərdi

2023-cü ilin sentyabrında 2 gün davam edən antiterror tədbirləri zamanı Azərbaycan sübut etdi ki, hədəf mülki şəxslər deyil, hərbi infrastrukturdur. Yəni, Bakının "etnik təmizləmə" aparmaq imkanı var idi, lakin bunu etmədi. Çünki azərbaycanlılar Ermənistanın həyata keçirdiyi etnik təmizləmənin qurbanı olsalar belə Azərbaycan xalqı və dövləti bu yolu seçmədi.

Beləcə, həm də Ermənistan azərbaycanlılara qarşı etnik təmizləmə aparan işğalçı ölkənin damğası ilə yaşamaq məcburiyyətində qaldı.

ABŞ, Aİ və Rusiyanın vicdanındakı ləkə

ABŞ, Aİ və Rusiya Ermənistanın azərbaycanlılara qarşı etnik təmizləmə siyasətinə və qanlı cinayətlərinə 30 il ərzində göz yumdu. Bu reallıqsa onların vicdanında qara ləkəyə çevrildi. Ən dəhşətlisi odur ki, ABŞ, Rusiya və Aİ üçün etnik təmizləmənin normal bir təcrübə olduğu sübut olundu. Üstəlik, Ermənistandan nümunə götürərək bunu bacardıqca təşviq etdirdilər. Fikir verin, azərbaycanlılara qarşı etnik təmizləmə faktı göz qabağındadır. Bu dəhşətli fakt BMT və digər beynəlxalq təşkilatlar tərəfindən təsdiq edildi.

Əvəzində nə oldu?

Cəza əvəzinə Ermənistana mükafatlar verildi, himayə olundu, imkan düşdükcə iqtisadi və siyasi dəstək verildi. Hətta, 20 il ərzində Qarabağ ermənilərinə ermənilərin özlərinin basdırdıqları əraziləri minalardan təmizləmək üçün pul da verildi.

Artıq zaman dəyişib. Azərbaycan öz suveren hüquqlarına sahib çıxır və Qarabağda Azərbaycan qanunlarının işlək mexanizmi üzərində çalışır. İndiki halda Bakının əsas hədəfi qısa müddətdə tərksilahı, Ermənistan silahlı qüvvələrinin qalıqlarının ərazidən çıxarılmasınına nail olmaqdır. Eyni zamanda, Qarabağda infrastruktur və humanitar məsələlərin həlli də prioritetdir.

Nəzərə alaq ki, ABŞ və Aİ bu proseslərdə kömək etmək etməyəcək. Əvəzinə yeni təhdidlər üzərində baş sındıracaq. Lakin, əminliklə deyə bilərik ki, biz bundan da xilas olacağıq. Və azərbaycanlıların ermənilər qədər qaniçən və vəhşi olmadığını bütün dünyay sübut edəcəyik.

Telegramda izləyin

instagramda izləyin