Azərbaycanda 2024-cü il devalvasiya olacaq? - EKSPERT AÇIQLADI

2024-ci ildə manatın məzənnəsinin necə dəyişəcəyi ən çox maraqlandıran suallardandır. Bu il devalvasiya gözləniləndir? Mövzu ilə bağlı iqtisadçı ekspert Rəşad həsənov Sonxeber.az-a açıqlama verib.

Ekspert bildirib ki, 2024-cü ildə devalvasiya olması ehtimalı yoxdur. Amma onu da nəzərə almaq lazımdır ki, hazırda manatın məzənnəsini sabit şəkildə qoruyub saxlamaq imkanları 2015-ci il ilə müqayisədə daha yüksəkdir:

"Çünki faktiki olaraq, əhalinin əlində olan manat kütləsi 2014-cü il ilə müqayisədə daha az valyuta tələb edir. Təzyiqlərin aradan qaldırılması üçün, xatırlayırsınızsa 2020-ci ilin mart ayında ortaya çıxdı. Pandemiya dövründə neftin qiyməti mənfiyə doğru dəyişsə belə bu şərtlər daxilində hökumət 1.8 milyard dollar vəsaiti bazara daxil etməklə problemi həll etdi. Amma sonrakı bir neçə ayda ümumiyyətlə bazarda valyuta satılmadı. Çünki, əhalinin əlində olan manat ehtiyatlarını manata yığıblar. Hazırda şərtlər ciddi şəkildə dəyişməyib. Bu baxımdan hər-hansı bir problem yarandığı halda belə daha az vəsaitlə bunun qarşısını almaq mümkündür".

Rəşad Həsənovun sözlərinə görə, Neftin büdcədə qiyməti ehtiyatlı müəyyən edilib. 2024-cü il üçün proqnozlar əsasən neftin qiymətinin 80 ABŞ dolları olacağı istiqamətindədir:

"Lakin büdcədə bu 60 dollar nəzərdə tutulub. Buda hökumətə manevr imkanları yaradır. Eyni zamanda nəzərə almaq lazımdır ki, hökumətin verdiyi mesajlarda bu istiqamətdədir. Çünki hökumət 2023-2027-ci illər makroiqtisadi proqnozları hazırlayarkən manatın məzənnəsini 1 ABŞ dollarına 1.70 olaraq sabit nəzərdə tutub. 2022-2026-cı illər sosial iqtisadi inkişaf strategiyasında bənzər yanaşma ortaya qoyulub. Eyni zamanda bununla paralel olaraq hazırda tədiyyə balansı, ticarət saldosu və strateji valyuta ehtiyatlarının həcmi manatın məzənnəsinin qorunması imkanlarını daha da dərinləşdirir. Bu baxımdan növbəti ildə hərhansı bir ciddi risk gözlənilmir".

Sevda Səfərova

Telegramda izləyin