Sülh müqaviləsi hansı ölkədə imzalanmalıdır? - POLİTOLOQ AÇIQLADI

Günümüzdə vacib olan məsələlərdən biri bölgədə davamlı sülhün əldə olunması və beynəlxalq hüquqa uyğun sülh müqaviləsinin imzalanmasıdır. Bununla əlaqədar, Azərbaycan xarici işlər naziri Ceyhun Bayramov sülh müqaviləsi neytral üçüncü ölkədə və ya Ermənistan-Azərbaycan dövlət sərhədində bağlana bilər. Bəs sülh müqaviləsi harada imzlana bilər? Neytral dedikdə hansı ölkələr buraya aiddir?

Mövzu ilə bağlı politoloq Məhəmməd Əsədullayev Sonxeber.az-a açıqlamasında bildirib ki, Ermənistanla Azərbaycan arasında aparılan sülh danışıqlarında ciddi şəkildə irəliləyiş var:

"Demək olar ki, müəyyən məsələlərdə texniki məsələlər qalıb. Delimitasiya və demarkasiya, dəhliz məsələsi sülh prosesinə maneə yaradırdı. Göründüyü kimi bunlarda artıq sülh müqaviləsindən sonraya saxlanıldı. Düşünürəm ki, iki dövlət arasında sülh müqaviləsinin bağlanması istiqamətində ciddi problem yoxdur. Bu sülh müqaviləsinin harada bağlanmalıdır və hansı dövlətlərin vasitəçi olması istiqamətində müəyyən bəyanatlar yayılır. Əlbəttə ki, Ermənistan-Azərbaycan arasında vasitəçilik Moskva, Brüssel, Vaşinqton olub".

Politoloqun sözlərinə görə, xüsusilə qərb ölkələri bu imzanın atılmasına maraqlı deyil:

"Azərbaycan tərəfi konkret olaraq sərhəddə, Gürcüstan ərazisində sülh müqaviləsinə imza atmağa maraqlıdır. Xüsusilə Gürcüstan bu məsələ də neytral ölkədir. Gürcüstanda imza atılarsa nə Rusiya, nə də ABŞ burada narazılıq bildirməz. Gürcüstanda sülh müqaviləsinə imza atılması məqbuldur".

Telegramda izləyin