Əməkhaqqı artımı qiymətlərə təsir edəcək?

2023 cü ilin ilkin məlumatlarına əsasən, ölkədə muzdla çalışan işçilərin orta aylıq nominal əməkhaqqı 11.2 faiz artaraq 933 manat 80 qəpik təşkil edib. Bəs əməkhaqqı artımı qiymətlərə təsir edə bilərmi?

Sonxeber.az xəbər verir ki, bununla bağlı iqtisadçı Xalid Kərimli açıqlama verib.

O bildirib ki, bu göstərici əhəmiyyətlidir:

"Nəzərə alsaq ki, ötən il 8,8 faiz inflyasiya müşahidə olunub. Çalışan şəxslərin əməkhaqqlarının artması onların real gəlirlərinin də artmasına səbəb olub.

Eyni zamandan 2024-cü ildən pensiya alan şəxslər də öz pensiyalarını 11.2 faiz daha yüksək məbləğdə alacaqlar.

Son 3 ilin rəqəmlərinə baxanda ən yaxşı  inflyasiya 2024 müşahidə olunacaq. Bunun öz səbəbləri var. Dünyada enerji və ərzaq məhsullarının ucuzlaşması, eyni zamanda manatın 2023-cü ildə 20 faizədək yüksəlməsi inflyasiya aşağı dartan amildir".

Telegramda izləyin

instagramda izləyin