"Ermənistanın oynadığı oyun özünü də çətin vəziyyətə salacaq" - Naqif Həmzəyev

"Çox təəssüf ki, qərb xüsusilə də Fransa, ABŞ Cənubi Qafqazda mövqeyini gücləndirmək və Ermənistanı Rusiyanın himayəsindən çıxarmaq üçün onu silahlandırır, maliyyə yardımı ayrırırlar".

Bunu Sonxeber.az-a danışan deputat Naqif Həmzəyev bildirib.

Deputat qeyd edib ki, qərbin verdiyi dəstək Ermənistanı cəsarətləndirir, daha da aqressiv olmasına gətirib çıxarır:

"Nəticədə də Ermənistan Azərbaycanla sülh danışıqlarında fərqli mövqe sərgiləyir. Eyni zamanda da şərti Azərbaycan-Ermənistan sərhədində davamlı şəkildə atəşkəsi pozur. Bu da məhz sülhün əldə olunmasına kölgə salır. Bütün bunlarla yanaşı Ermənistanda Avropa İttifaqının mülki monitorinq missiyası fəaliyyət göstərir. Avropa İttifaqı Ermənistandakı mülki monitorinq missiyası əslində əks kəşfiyyat həyata keçirən, Ermənistan ordusuna müəyyən məsləhətlər verən qrupdur. Bu gün atəşkəsin mütəmadi pozulması da mülki monitorinq missiyasının fəaliyyət müddətini uzatmaq, regionda, xüsusilə də Azərbaycanla şərti sərhəddə gərginliyin olduğunu sübut etmək, Fransadan, Avropadan, ABŞ-dan maliyyə yardımı məqsədi daşıyır".

Deputat söyləyib ki, bu gün regionda çox fərqli olaylar cəryan edir:

"Əgər əvvəl İran və Türkiyə arasında fikir ayrılıqları var idisə Fələstin-İsrail münaqişəsi fonunda bu iki ölkənin mövqeyi üst-üstə düşür. Bu baxımdan ABŞ yaxın gələcəkdə İrana qarşı hər hansı əməliyyat zərurəti ortaya çıxacağı təqdirdə Ermənistan ərazisindən istifadə edəcək. Uzun illərdir ki, ki, qərb ermənilər vasitəsilə İran ərazisində əks kəşfiyyat həyata keçirilir. Onlar yaranmış fürsəti dəyərləndirərək Ermənistana yardımlar edir Rusiyanın təsirini azaltmaq, əhali arasında bu ölkəyə qarşı münasibəti dəyişdirməyə çalışırlar. Eyni zamanda Ermənistanı Türkiyə və Azərbaycana qarşı hazırlayırlar. Gizlin məqsədlərdən biri də Türkiyə və Azərbaycanın regionda artan nüfuzunu zəyiflətməkdir. Həmçinin müəyyən məsələlərdə Azərbaycana təsir göstərmək üçün Ermənistandan istifadə etmək istəyirlər".

Deputat vurğulayıb ki, 44 günlük Vətən müharibəsində Azərbaycan möhtəşəm zəfər əldə etdikdən sonra demək olar ki, qərbin ölkəmizə qarşı təsir alətləri əlindən çıxıb:

"Bu gün Ermənistanın Azərbaycanın diqtəsi ilə sülhü qəbul etməsi onu tamamilə qərbin təsirindən də çıxara bilər. Belə olan halda da Ermənistan yaranan boşluğu Türkiyə ilə dolduracaq. Qərb də ayırdığı maliyyə ilə bunun qarşısını almağa çalışır. Amma istənilən halda ordumuz bütün prosesləri yaxından izləyir və baş verəcək təxribatların qarşısını almaq gücünə malikdir. Ermənistan anlamalıdır ki, hər hansı bir toqquşma onun məhvini gətirib çıxarır. Xüsusilə də Paşinyan hökumətinin oynadığı oyun Rusiya tərəfindən yaxşı qarşılanmır. Ehtimal var ki, Rusiya B planını işə salsın və əlindəki təsir alətlərini hərəkətə gətirərək daxildə vətəndaş qarşıdurmasının, xaosu başlatsın. Bizdə prosesləri yaxından izləyirik. Ümid edək ki, qərb dairlərin səsləndirdiyi Ermənistana yardımın ayrılması və silahlandırması Azərbaycana qarşı deyil fikirləri özünü doğruldacaq. Əks təqdirdə də Ermənistanın Azərbaycan ordusunun səviyyəsinə çatması üçün yüz illər lazımdır.

Bu gün İran da Ermənistandakı prosesləri yaxından izləyir və yaxşı qarşılamayacaq. Hətta İran bunu qırmızı xəttin keçilməsi kimi dəyərləndirəcək. Düşünürəm ki, Ermənistanın oynadığı oyun özünü də çətin vəziyyətə salacaq. Azərbaycan isə istənilən baş proseslərin bizim xeyrimizə nəticələnməsi üçün lazım olan bütün addımları atacaq".

Telegramda izləyin