"Azərbaycan Rusiya arasında əməkdaşlıq və dostluq əlaqələrin möhkəmlənməsi regiona davamlı təhlükəsizlik gətirir" - DEPUTAT

"22 aprel 2024-cü ildə Prezident İlham Əliyevin Rusiyanın dəvəti ilə Moskvaya səfər etməsi ölkələrimiz arası münasibətlərin inkişafında yeni bir səhifə açacaqdır".

Bunu Sonxeber.az-a danışan deputat Azər Badamov bildirib.

Deputat qeyd edib ki, dövlət başçımızın işgüzar səfəri çərçivəsində ölkələr arası münasibətlərin inkişafı və möhkəmləndirilməsi, o cümlədən regional təhlükəsizliklə bağlı müxtəlif mövzularda ikitərəfli müzakirələr aparmışdır:

" 22 fevral 2022-ci ildə dövlət rəhbərlərimizin imzaladığı müttəfiqlik qarşılıqlı fəaliyyət haqqında bəyannamə ölkələrimiz arasında ardıcıl münasibətləri müəyyən edir. Ölkələrimiz arası münasibətlər qarşılıqlı hörmət və dosluqa söykənmişdir. Bu münasibətlərimizin çox böyük tarixi var. Müstəqllik illərimizdə ölkələrimiz arası əməkdaşlığın inkişafı və genişləndirilməsi ilə bağlı 263 sənəd imzalanmışdır. Ölkələrimizin Parlamentləri sıx əməkdaşlıq edir və ölkələrimiz arası münasibətlərin hərtəfli inkişafına töhfə verir.

Bu gün isə əməkdaşlıq imkanlarımız müxtəlif sahələr üzrə günü-gündən dərinləşir. Azərbaycan Rusiyanın ayrı-ayrı regionları ilə əməkdaşlıq edir. Bu baxımdan ilk övbədə iqtisadi əlaqələrin inkişaf dinamikasına baxsaq görərik ki, bu, artan və davamlı xarakter almışdır. Belə ki, 2023-cü ildə ölkələrimiz arası ticarət dövrüyyəsi 17,5%artaraq 4 milyard dolları keçibdir. O cümlədən ölkəmiz üzərindən Şimal-Cənub nəqliyat marşurutu ilə aparılan daşımaların həcmi də 17% artmışdır. Bu gün Rusiyanın mindən çox şirkəti Azərbaycanda qeydiyyatdan keçmiş və 8 milyard dollardan çox sərmayə yatırmışdır. O cümlədən Rusiyanın 22 şirkəti Qarabağda yenidənqurma və bərpa işlərində iştirak etməsi ilə bağlı müraciət edibdir. Azərbaycan da öz növbəsində Rusiyanın iqtisadiyyatına 6 milyard dollardan çox sərmayə yatırıbdır. Ruisya Azərbaycanın qeyri neft ixracında həlledici rol oynayır".

Deputat söyləyib ki, ölkələrarası əlaqələr humanitar və mədəni sahəsində də inkişaf edir:

"Bu gün Azərbaycanda fəaliyyət göstərən 324 rusidilli məktəbdə 154 min şagird təhsil alır. O cümlədən 801 mindən çox şagird rus dilini ikinci xarici dil kimi öyrənir. 28 ali təhsil müəsisəsində rus dilli qruplarda tələbələr təhlsillərini davam etdirə bilirlər. Hər il 270 yaxın gəncimiz Azərbaycan vətəndaşlarına ayrılmış kvotaya əsasən Rusiyanın universitetlərində təhsil almaq imkanına malikdirlər.

Ölkələrarası mədəni əlaəqlər də günü-gündən dərinləşir. Belə ki, 2023-cü ildə Rusiyanın müxtəlif şəhərlərində Ümummilli Lider Heydər Əliyevin 100 illiyiinə həsr olunmuş təntənəli tədbirlər keçirilibdir. Rusiyada dahi şəxsiyyət Heydər Əliyevin xatirəsini əziz tururaraq yad edilir və böyük ehtiram göstərlir. Rusiyanın tanınmış elm və mədəni xadimlərinin xatirəsinə Azərbaycanda tədbirlər təşkil olunur, mütəmadi olaraq qarşılıqlı şəkildə ölkələrimizdə mədəniyyət günləri keçirilir".

Deputat vurğulayıb ki, cənab Prezident İlham Əliyev Moskvaya işgüzar səfəri çərçivəsində BAM-ın tikintisinin 50 illiyinə həsr olunmuş təntənəli tədbirdə də iştirak etmişdir:

"BAM-ın ərsəyə gəlməsində Heydər Əliyevin xüsusi əməyi və rolunu rusiyalılar unutmurlar. 50 il əvvəl BAM 2 milyondan çox gəncin səfərbər olunaraq ərsəyə gətirilmiş ümmumittifaq əhəmiyyətli layihə idi. Yolsuz Sibir meşələrindən dəmir yolu çəkmək ən çətin və mürəkkəb bir iş hesab olunurdu. Layihənin icrasının çətinliyini görən sovet rəhbərliyi bu sahəni Heydər Əliyevə tapşırılır. Onlar bilirdilər ki, ancaq Heydər Əliyevin təcrübəsi, rəhbərlik etmək bacarığı və qətiyyəti BAM-ı ərsəyə gətirə bilərdi. Təbii ki, belə də oldu. Heydər Əliyev BAM-ın tikintisinə bütün gücünü səfərbər edir və on günlərlə müəyyən çətinliklərlə üzləşərək tikinti sahələrinə gedir və kollektivlərlə görüşərək tapşırıqlarını veriridi. Məhz o vaxtı yolun tikintisində işləyənlərin Heydər Əliyevdən bir rəhbər kimi diqqət və məhəbbətin görməsi sayəsində daha da həvəslənmiş və BAM-ı vaxtından əvvəl yekunlaşdıra bilmişdilər. Bu gün BAM-ın tikintisində iştirak edənlər Heydər Əliyevin xatirəsini unutmurlar və yad edirlər. O cümlədən Anqoya qəsəbəsindəki dəmir yol vağzalına Heydər Əliyevin adını verilibdir.

Bu gün Azərbaycanın iştirakı ilə ərsəyə gələn Şimal-Cənub nəqliyyat dəhlizi Şimal dənizini Hind okeanı ilə birləşdirilməsinə imkan verəcəkdir. Bu beynəlxalq nəqliyyat dəhlizinin əmələ gəlməzi fars körfəzindən Şimal dənizinə qədər daşımaları təmin edəcək böyük bir marşurutu formalaşdırmaqla ölkələrimizin beynəlxalq daşımalarda iştirakını genişləndirməklə böyük bir regionda geosiyasi əhəmiyyətimizi artıracaqdır. Azərbaycan Rusiya arasında əməkdaşlıq və dostluq əlaqələrin möhkəmlənməsi həm də regiona davamlı təhlükəsizlik gətirir".

Telegramda izləyin