Mağazalardakı xarici məhsulların qiymətləri nədən asılıdır? - Açıqlama

Hazırda Azərbaycanda mağazalarda xeyli sayda xarici məhsullara rast gəlirik. Bəzən vətəndaş bu malların bahalılığından şikayətlənir. Bəs mağazalarda xarici məhsulların qiymətləri nədən asılıdır?

Məsələ ilə bağlı iqtisadçı Natiq Cəfərli Sonxeber.az-a açıqlama verib.

O bildirib ki, əgər qiymət yüksəkdirsə, bunun əsas səbəbi rəqabətdə olan problemdir:

"Azərbaycan bazarında mal çatışmamazlığı heç vaxt olmayıb. İstənilən marketdə istənilən məhsulu tapmaq mümkündür. Çeşidin bolluğu əlbəttə ki, müsbət haldır. Qiymətlərə təsir edən amil deyil. Qiymətlərə təsir edən əsas amil rəqabətdir. Əgər rəqabətli mühitdə problem varsa, ölkəyə mal gətirən şirkətlərin sayı məhduddursa bu zaman qiymətlərdə yüksək olur. İstənilən halda rəqabətsizlik mühiti qiymətlərə daha mənfi təsir göstərir. Əgər qiymət yüksəkdirsə, bunun əsas səbəbi rəqabətdə olan problemdir".

Telegramda izləyin