Şəmkirdə yeznə toyuğa görə qaynını güllələdi

Şəmkirdə yeznənin qaynını güllələməsinin təfərrüatı məlum olub.

"Unikal" xəbər verir ki, Alavaşlı kənd sakini Naib Həsənovun toyuqları yeznəsi Mais Ələkbərovun həyətinə keçib. Bu zaman qohumların arasında mübahisə düşüb. Dava zamanı Mais Ələkbərov Naib Həsənovu döyüb. Bundan əsəbiləşən Naib yeznəsi Mias Ələkbərovu özünə məxsus ov tüfəngindən atəş açaraq yaralayıb.

Hadisəni törədən Naib Həsənov polis tərəfindən saxlanılıb.

13:52

Şəmkirdə güllələnmə hadisəsi baş verib.

Oxu.Az xəbər verir ki, hadisə rayonun Ağlavaşlı kəndində qeydə alınıb.

Kənd sakini 1978-ci il təvəllüdlü Mais Ələkbərov güllə yarası ilə xəstəxanaya yerləşdirilib. Hadisənin hansı səbəbdən baş verməsi məlum deyil.

Daxili İşlər Nazirliyinin Mətbuat Xidmətinin Gəncə regional qrupundan Oxu.Az-a bildirilib ki, hadisə ilə bağlı Şəmkir Rayon Polis Şöbəsinin həmin ünvana gələrək müvafiq tədbirlər həyata keçiriblər. Araşdırmalar zamanı cinayəti törətməkdə şübhəli bilinən rayon sakini Naib Həsənov müəyyən olunub. O, müvafiq sənədləri olan ov tüfəngi ilə birlikdə saxlanılaraq, istintaqa təhvil verilib.

Araşdırmalar davam etdirilir.

Telegramda izləyin