Uşaqlar arasında yayılan qızılca və viruslar: Bu körpələrdə ölüm riski yüksək olur - Pediatrdan AÇIQLAMA

Bu gün daha bir 6-cı sinif şagirdi qızılca xəstəlikdən həyatını itirib. Qızılcadan məktəb yaşlı uşaqların ölüm xəbəri tez tez eşidirik. Uşaqlar arasında hazırda bir çox virus yayılıb. Bunum səbəbi nədir ?

Məsələ ilə bağlı pediatr Nigar Abdullayeva Sonxeber.az-a açıqlama verib.

Pediatr ölüm hallarının peyvəndsiz uşaqlar arasdında müşahidə olunduğunu bildirib:.

"Qızılca virusu çox ağır, ölümcül xəstəlikdir. Ciddi fəsadları var. Təəssüflər olsun ki, təhlükəli keçərsə sonda xəstənin ölümü ilə nəticələnir. Bu xəstəliyin ağır keçməsinin qarşısını almaq üçün peyvənd olmaq vacibdir. Peyvənd vurulan uşaqlarda xəstəli ya olmur, ya da çox yüngül keçir. Ölüm halları peyvəndsiz uşaqlar arasdında müşahidə olunur.

Qızılca virusu əleyhinə peyvənd 2 doza şəklində tətbiq olunur. 1-ci doza 1 yaşı tamamın da , ikinci doza isə məktəbdən əvvəl 6 yaşında vurulur. Əgər valideyn övladına qızılca əleyhinə peyvənd etməyibsə, böyük yaşdadırsa 1 ay ara ilə vura bilər. Təəssüflər olsun ki, ölkədə qızılcadan vəfat edən uşaqların sayı çoxdur. Məhz bu uşaqlar peyvənd vurulmamış uşaqlardır.

Peyvənd vurulan uşaqlarda xəstəlik daha yüngül keçir Onlarda qızılcanın fəsadları olan pnevmoniya, orta qulağın iltihabı, ağ ciyər iltihabı, korluq, ensefalit fəsadları çox az görürük. Əsasən peyvəndsiz və ya 1 doza vurulmuş uşaqlar xəstəliyə yoluxur və ağır keçir. Xəstəlikdən dünyasını dəyişmiş uşaqların demək olar ki böyük faizi peyvəndsiz uşaqlardır. Ona görə də peyvənd edilməsi çox vacibdir. Valideyn əgər uşağına peyvənd etdirməyibsə, vaxt itirmədən övladına peyvənd vurdurmalıdır. Çünki hələ də bu xəstəliyə yoluxma halları davam etdir".

Telegramda izləyin