Söyüşə görə bıçağı dostunun ürəyinə sancdı: "Axırıncı dəfə ona baxdım, səbrim tükəndi"

Söyüşə görə bıçağı dostunun ürəyinə sancdı: "Axırıncı dəfə ona baxdım, səbrim tükəndi"CİNAYƏT İŞİ

Qısa arayış...

2022-ci il yanvarın 7-də Bakıda qətl hadisəsi olur. 1965-ci il təvəllüdlü Zaur Kazımov Xəzər rayon Polis İdarəsinin 3-cü Polis Şöbəsinə gələrək bıçağı polis əməkdaşına təqdim edir və tanışını öldürdüyünü deyərək təslim olur.

Məlumatla əlaqədar polis və prokurorluq əməkdaşları hərəkətə keçirlər. Məlum olub ki, hadisə Binə qəsəbəsi, Əli İsazadə küçəsi, 3 ünvanında baş verib. Skamyaların qarşısında, döşəmə üzərində 1981-ci il təvəllüdlü Zaur Cəbrayılovun kürəyi üstə, uzanıqlı vəziyyətdə meyiti, cəsədin döş qəfəsində çəp istiqamətli yara, ətrafında və oturacaqda qan ləkələri aşkar edilib.

Faktla bağlı Xəzər rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb.

Söyüşə görə bıçağı dostunun ürəyinə sancdı: "Axırıncı dəfə ona baxdım, səbrim tükəndi"Lent.az qətl hadisəsinin istintaq materiallarını əldə edib.

İstintaqla müəyyən edilib ki, yanvarın 7-i saat 16 radələrində Zaur Kazımov orta dərəcəli sərxoş vəziyyətdə yaşadığı məhəllədə tanışı Zaur Cəbrayılovla söhbət edərkən, əsaslı səbəb olmadan, üzərindəki açılıb-qatlanan bıçaqla onun sinəsinə bir dəfə zərbə endirib. Nəticədə Z. C əbrayılov yerindəcə keçinib.

İş üzrə dindirilmiş Zaur Kazımov bildirib ki, 1992-ci ildə yaşadığı Binə qəsəbəsində qətl törədib və bu əməlinə görə Əzizbəyov rayon məhkəməsinin hökmü ilə 9 il müddətinə azadlıqdan məhrum olunub:

"2001-ci ildə cəzamın sonu ilə əlaqədar azadlığa çıxandan sonra, fəhləliklə məşğul olub ailəmi dolandırırdım. Narkotik vasitələrdən istifadə etdiyimə görə 2009-cu ildə həbs edilib bir il cəza çəkmişəm. 2021-ci ilin oktyabr ayında yenə üzərimdə narkotik maddə ilə tutuldum. Xəzər rayon məhkəməsinin hökmü ilə 2 il azadlığın məhdudlaşdırılması cəzasına məhkum olundum. Cəzam bitməmiş bu cinayəti törətdim. Zaur Cəbrayılovla yaşadığım Binə qəsəbəsində 2 il əvvəl tanış olmuşam. Zaur da oğurluq əməlinə görə məhkumluq həyatı yaşayıb. Əvvəl münasibətimiz yaxşı idi. Lakin bir müddətdən sonra aramızda narazılıq yarandı.
Söyüşə görə bıçağı dostunun ürəyinə sancdı: "Axırıncı dəfə ona baxdım, səbrim tükəndi"Belə ki, spirtli içki qəbul edəndən sonra Cəbrayılov özünü apara bilmədi və söyüşlə danışdı. Cavan və fiziki cəhətdən qüvvətli olmasından istifadə edən Zaur məni alçaltdı. Yanvarın 7-də məhəllədə Zaur Cəbrayılov öz tanışları ilə spirtli içkilər qəbul etmişdi. Oturduğu yerdən heç bir səbəb olmadan mənə söz atanda, sözlərinə fikir verməsini bildirdim. Hətta həmin vaxt ətrafımda olanlar da Cəbrayılova irad tutdular ki, "içkilisən, heç kimə sataşma". Buna baxmayaraq o, sakitləşmədi. Axırıncı dəfə ona tərəf baxdım, mənə söyüş işlədəndə səbrim tükəndi. Ona kənara çəkilərək təkbətək söhbət etməyi təklif etdim. Təxminən 15 metr kənara çəkilən kimi, heç bir söz demədən cibimdən çıxardığım bıçaqla döş qəfəsinə zərbə vurdum və birbaşa 3-cü Polis Şöbəsinə getdim. Növbətçiyə adam vurduğumu bildirərək, bıçağı ona təqdim etdim".

Zərərçəkmiş şəxsin hüquqi varisi Zarina Eyvazova ifadəsində göstərib ki, Zaur Kazımovu 2 il əvvəl evlərində qardaşı Zaurun doğum günü ilə bağlı keçirilən məclisdə görüb:

"Söhbət əsnasında Kazımovun da uzun müddət məhkumluq həyatı yaşadığını bildim. Qardaşımla onun arasında ədavət olmasını bilmirdim. Yanvarın 7-i saat 17 radələrində gəlinimiz Elvira zəng vuraraq, ərinin dostu Zaur Kazımov tərəfindən bıçaqlanaraq öldürüldüyünü və meyitinin patoloji şöbəsinə aparıldığını xəbər verdi. Növbəti gün qardaşımı Buzovna qəsəbəsində yerləşən qəbiristanlıqda dəfn etdik".
Söyüşə görə bıçağı dostunun ürəyinə sancdı: "Axırıncı dəfə ona baxdım, səbrim tükəndi"Şahid Arifə Kazımova ifadəsində göstərib ki, ayın 7-də işdə olanda həyat yoldaşı Zaur Kazımov zəng edərək, yaşadığı binanın qarşısında bir nəfəri bıçaqla vurduğunu deyib və telefonu söndürüb. Təxminən 10 dəqiqədən sonra ərinə zəng edib, həqiqətən adam vurub-vurmadığını soruşanda, Zaur bunu təsdiqləyib və artıq polis şöbəsində olduğunu deyib.

Şahid Hidayət Həsənov ifadəsində göstərib ki, Zaur Cəbrayılovla 3-4 il əvvəl tanış olaraq, birlikdə müxtəlif yerlərdə fəhlə işləyiblər:

"Tanışım spirtli içkiyə meylli insan idi, sərxoş olanda hər şeyə görə tez əsəbiləşib, özündən çıxırdı. Zaur Kazımov haqda bildiyim odur ki, evlidir və bir qız övladı var. Kazımov arabir mənimlə əlaqə saxlayaraq, gah görüşüb, söhbət etməyi təklif edib, gah da borc pul istəyib. Cəbrayılovla Kazımov dost olublar, birlikdə yeyib-içiblər, aralarında düşmənçilik olmasını eşitməmişəm. Məlum hadisədən 2-3 gün əvvəl yeyib-içərkən onların arasında spirtli içki üstündə mübahisə yarandı. Amma araya girib, tanışlarımı sakitləşdirdim. Yanvarın 7-İ saat 15 radələrində səhər Zaur Kazımov zəng edib, məndən borc pul istədi. Lakin nəvəmin xəstə olduğunu və pulumun olmadığını dedi. Saat 21 radələrində yaşadığım ərazi üzrə sahə müvəkkilindən öyrəndim ki, Zaur Kazımov Binə qəsəbəsində Zaur Cəbrayılovu bıçaqlayaraq öldürüb".
Söyüşə görə bıçağı dostunun ürəyinə sancdı: "Axırıncı dəfə ona baxdım, səbrim tükəndi"Məhkəmə-psixoloji ekspertizasının rəyinə görə, emosional halından asılı olaraq Zaur Kazımov cinayət əməllərini törədərkən hərəkətlərini dərk etmək, hərəkətlərini tənzimləmək və onlara nəzarət etmək iqtidarında olub. O, fizioloji affekt halında olmayıb.

Məhkəmə iclasında Zaur Kazımov ittiham üzrə özünü təqsirli bilib. Zərərçəkmiş şəxsin hüquqi varisi təqsirləndirilən şəxsə qanuna müvafiq cəza verilməsini xahiş edib.

Məhkəmə hesab edib ki, Zaur Kazımovun Cinayt Məcəlləsinin 120.2.2-ci (xuliqanlıq niyyəti ilə qəsdən adam öldürmə) maddəsi ilə nəzərdə tutulan cinayət əməlini törətməsi özünün ifadəsi ilə yanaşı, zərərçəkmiş şəxsin hüquqi varisi və şahidlərin ifadələri, ekspertiza rəyləri və digər istintaq sənədləri ilə tam sübuta yetirilib.

Bakı Ağır Cinayətlər Məhkəməsinin hökmü ilə Zaur Kazımov cəzasını ciddi rejimli cəzaçəkmə müəssisəsində çəkməklə 17 il müddətinə azadlıqdan məhrum olunub.
Söyüşə görə bıçağı dostunun ürəyinə sancdı: "Axırıncı dəfə ona baxdım, səbrim tükəndi"Söyüşə görə bıçağı dostunun ürəyinə sancdı: "Axırıncı dəfə ona baxdım, səbrim tükəndi"


Sonxeber.az
Telegramda izləyin
Kriminal   Baxılıb: 1409   Tarix: 28 may 2024  

Şikayətiniz varsa Whatsapp: 077 7125666

Facebookda Paylaş


Tezbazar.az elanlar sayti

Oxşar xəbərlər

.

Ər-arvad dalaşdılar, oğul anasının üstünə benzin töküb yandırdı

Abşeron rayonunda 21 yaşlı oğul anasını yandıraraq öldürüb. -ın məlumatına görə, hadisə rayonun Hökməli qəsəbəsində baş verib. Qəsəbə sakini, 2005-ci il təvəllüdlü Abdurrəhman Həsənli atası, anası və iki bacısı ilə bir evdə yaşayıblar. Məlumata görə, onun valideynləri arasında mütəmadi mübahisələr olub

5 noyabr
.

Vüsalın qətlinə görə cəmi 10 min veribmiş...

13 il əvvəl Qərb Universitetinin tələbəsi Vüsal Şilderin qətlini sifariş verməkdə ittiham olunan Xəyal Əli-Zadənin məhkəmə istintaqı başlayıb. "Qafqazinfo"nun məlumatına görə, Bakı Ağır Cinayətlər Məhkəməsində keçirilən bugünkü iclasda prokuror ittiham aktını elan edib. Xəyal Əli-Zadə 2013-c

28 sentyabr
.

Atasının ölümünə səbəb olan sürücü həbsdən azad edildi

Yol hərəkəti qaydalarını pozaraq ehtiyatsızlıqdan bir nəfərin ölümünə, dörd nəfərin isə müxtəlif dərəcəli bədən xəsarətləri almasına səbəb olmaqda təqsirli bilinən şəxs barəsində çıxarılmış hökmdən verilən apellyasiya şikayətlərinə baxılıb. "Qafqazinfo" xəbər verir ki, bu barədə Bakı Apellyasiy

12 noyabr
.

Azərbaycanda icra başçısı cərimələndi

Səbail Rayon İcra Hakimiyyətinin başçısı Vüqar Zeynalovla bağlı inzibati protokol tərtib olunub. -a istinadən xəbər verir ki, icra başçısı ilə bağlı İnzibati Xətalar Məcəlləsinin 528.1-ci maddəsi ilə protokol tərtib olunaraq məhkəməyə göndərilib. İşə baxış zamanı müəyyən edilib ki, eyni vaxtda baş vermi

27 oktyabr
.

Aliment verməkdən imtina edən kişi - 4-cü dəfə həbs olundu

Sabirabad rayonunda aliment borcunu qərəzli şəkildə ödəməyən şəxs növbəti dəfə həbs olunub. "Qafqazinfo"nun əldə etdiyi məlumata görə, rayonun Çöl Beşdəli kəndində yaşayan 1984-cü il təvəllüdlü Əhməd Ələmov (ad və soyadlar şərtidir) bu dəfə 1 il 6 ay müddətinə həbs cəzasına məhkum edilib. Araşdırmala

30 sentyabr
.

Bakıda kişi arvadını dişlədi, tava ilə döydü

Bakıda həyat yoldaşını döyərək xəsarətlər yetirən kişi cinayət məsuliyyətinə cəlb edilib. "Qafqazinfo"ya istinadən xəbər verir ki, 1989-cu il təvəllüdlü İsa Sərdarov (ad və soyad şərtidir - red.) Cinayət Məcəlləsinin 127 və 133-cü (qəsdən sağlamlığa az ağır zərər vurma və əzab vermə) maddələr

5 oktyabr
.

Vüqar Qurbanovun vəzifəli qohumunun bıçaqlanmasının şok təfərrüatı

Abşeronda direktor müavininin bıçaqlanması ilə nəticələnən hadisənin detalları məlum olub. -ın əldə etdiyi məlumata görə, hadisəni törədən Elçin Balayevə nizam-intizam məsələlərinə görə bir neçə dəfə direktor müavini Orxan Ənvərli tərəfindən xəbərdarlıq edilib. Lakin xəbərdarlıqlara məhəl qoymayan E.Balaye

8 oktyabr
.

Baş Prokurorluq və DİN kafedəki qətllə bağlı məlumat yaydı - 11 nəfər həbs edilib - Video

Baş Prokurorluq və Daxili İşlər Nazirliyinin istintaq qrupu tərəfindən keçirilən əməliyyat-axtarış tədbirləri nəticəsində Xətai rayonunda törədilmiş qətllə bağlı 11 nəfər həbs edilib. "Qafqazinfo" xəbər verir ki, bu barədə Baş Prokurorluq və DİN birgə məlumat yayıb. Açıqlamada deyilir:. "Oktyabrı

26 oktyabr
.

Qəzada ağır yaralanan sürücü xəstəxanada öldü

Paytaxtın Heydər Əliyev prospektində ölümlə nəticələnən yol qəzası baş verib. "Qafqazinfo" xəbər verir ki, oktyabrın 28-i saat 21 radələrində Nəcəfzadə Bahəddin Əfqan oğlunun idarə etdiyi "Lada Granta" markalı avtomobil prospektin "Koroğlu" metro stansiyası istiqamətind

30 oktyabr