Siqaret çəkmək ağciyər xərçənginə səbəb olurmu? – ALİMLƏR AÇIQLADI

Siqaret çəkməyin mütləq ağciyər xərçənginə səbəb olduğuna inanılır. Bununla belə, heç vaxt siqaret çəkməmiş, lakin hələ də bu xərçəng növünə yoluxan insanlar haqqında hekayələr eşidirik.

Lent.az xarici mətbuata istinadən xəbər verir ki, araşdırmalara görə, ağciyər xərçəngi mütləq siqaretlə əlaqəli deyil.

Bu qərəzi aradan qaldırmaq üçün statistik məlumatlara müraciət etmək kifayətdir. Mütəxəssislər qeyd ediblər ki, həqiqətən də, heç vaxt siqaret çəkməyən insanda ağciyər xərçəngi inkişaf edə bilər, lakin bu diaqnozu qoyulan kişilərdə belə bir halın olma ehtimalı 10%, qadınlarda isə 16% təşkil edir. Bununla belə, Amerika Xərçəng Cəmiyyətinin məlumatına görə, ağciyər xərçəngi hallarının 84%-90%-i siqaretlə bağlıdır.

Mütəxəssislər siqaret çəkənin çəkməyənlərə nisbətən ağciyər xərçənginə tutulma riskinin 30 dəfə çox olduğunu vurğulayırlar. Bu risk siqaret çəkmə müddəti və gündə çəkilən siqaretlərin sayı ilə artır.

Bundan əlavə, siqaret mədəaltı vəzi, ağız boşluğu, qaraciyər, nazofarenks, qırtlaq, yemək borusu, uşaqlıq boynu və yumurtalıq xərçəngi kimi digər xərçəng növlərinin inkişaf riskini artırır.

Telegramda izləyin