Azərbaycanda uşaqların sayı azalıb: "Gələcəkdə oğlanlar evlənmək üçün qız tapa bilməyəcək"

Azərbaycanda uşaqların sayı azalıb. Bu barədə məlumat Bakı Tədqiqat İnstitutunun 2005-2022-ci illəri əhatə edən hesabatında yer alıb. Belə ki, 2005-ci ildə əhalinin 31,8%-i 17 yaşına qədər uşaqlar təşkil edirdisə, 2022-ci ildə bu göstərici 26,3%-ə düşüb. Azalma özünü daha çox qız uşaqlarında göstərir. Bu müddətdə oğlan uşaqlarının sayı 2,1% artdığı halda qızların sayı 6% azalıb. Bununla da oğlan və qız uşaqları arasındakı gender fərqi 2,5%-dən 3,7%-ə yüksəlib. 2005-2022-ci illərdə 0-17 yaşlı uşaqlarının sayının azalması nəticəsində uşaq kitabxanalarının, teatrlarının, dərnək və kollektivlərin, uşaq sanatoriyalarının sayı da azalıb.

Məsələ ilə sosioloq Mətanət Məmmədova Sonxeber.az-a açıqlama verib.

O bildirib ki, Ailələrdə uşaqların sayının azalmasının başlıca səbəbi ailələrimizihn avropa sayağı missiyanı yerinə yetirməsidir:

Azərbaycanda uşaqların sayı azalması ölkəmizdə çox problemdirdir. Bu gündən gələcəyimizi baltalayırıq, Ailələrdə uşaqların sayı azılır. Başlıca səbəb ailələrimizihn avropa sayağı missiyanı yerinə yetirməsidir. Yən Avropadan götürdükləri öz ailələrində tətbiq etməsidir. Həmin Avropa isə vaxtilə bu dəyərləri bizdən götürüb. Bizim ailələrimizdə çoxuşaqlılıq olan zaman, həmin Avropa ailələrində bir uşaq olurdu. İndi isə bizdə əksər ailələrdə bir uşaq olur. Bu uşaqların əksəriyyəti də oğlan uşağı olur. Bu isə gələcəkdə balansı pozacaq".

Sosioloq kirayə yaşayan ailələrin ikinci uşaq istəmədiklərini bildirib:

"İkinci səbəb isə bizdə gənc ailələrinin kirayədə yaşamasıdır. Bu səbəbdən onlar ikinci övlad istəmirlər. Çünki ay ərzində gəlirin çox hissəsi kirayəyə, ərzağa, kominal ödənişlərə gedir. Bir uşaqlı ailələrinin sayının asrtması gələcək üçün heçdə yaxşı hall deyil. Bu ailə dəyərlərimizə zərbə vurmaq deməkdir. Həm oğlan, həm qız uşaqlarının sayının azalması müxtəlif problemlərə gətirib çıxaracaq. Məsələn oğlanların sayı azalsa, gələcəkdə əsgər çatışmamazlığı yarana bilər. Əgər qızın sayı azdırsa, gələcəkdə evlilik problemləri ilə qarşılaşacayıq.

İllər boyu ailələrin oğlan sevdasına görə qız oğlan balansı pozulmuşdu. Bu gedişlə getsək, gələcəkdə oğlanlar evlənmək üçün qız tapa bilməyəcək. Ona görə də ailələrdə uşaq məsəsləsi böyük problemdir. Qurumlar və təşkilatlar bu problemlıər barədə ailələrlə konsepsiya hazırlamalıdırlar. Bu problemin səbəbləri araşdırılıb, tapılmalıdır.Bu problemin böyüməsnin qarşısı alınmalıdır".

Gülcahan Məmmədova

Telegramda izləyin