Dustaqlar saxlanan bu yerdən Qız qalasına gizli yol var imiş - VİDEO

Orta əsrlərdə- daha dəqiq desək 1235-ci il Şirvanşahlar dövründə, Xəzər dənizindəki karvansaray üzərində Səbail qalası, digər adı ilə Bayıl qəsri inşa olunur. Lakin bu qalanın ömrü çox da uzun çəkmir. 1206-cı ildə baş verən zəlzələ nəticəsində Səbail qalası sulara qərq olur. Bir müddət sonra Xəzər dənizinin suyunun səviyyəsinin aşağı enməsi ilə ada yenidən üzə çıxır.

Sonxeber.az xəbər verir ki, mövzu ilə bağlı "Apa TV"nin əməkdaşları maraqlı süjet hazırlayıb. Səbail qalası müdafiə məqsədilə inşa olunub. Qalanın içərisində olan qəsrdə isə dustaqlar saxlanılırdı. Digər tərəfdən qala ticarət gəmiləri üçün də istifadə olunub. Tikilinin Abşeronda yeraltı yollar ilə əlaqəsi var:

"Səbail qalası tikildiyi zaman yeraltı keçidlər ilk olaraq Qız qalasına gedirdi. Qız qalasından Bakı kəndlərinə isə yeraltı keçidlər çəkilmişdir. Hətta İçərişəhərdə belə yeraltı gizli keçidlər var idi. Əfsuslar olsun ki, onlar sovet dövrü zamanı bağlandı".

Ötən əsrin ortalarında Səbail qalasının qalıqları dənizdən çıxarılaraq tədqiq olunmağa başlandı. Həmin qalıqlar hazırda İçərişəhərdə Şirvanşahlar sarayının həyətində sərgilənir.

Ətraflı "Apa TV"nin süjetində:

Telegramda izləyin