Ana 19 yaşlı uşağının əlillik dərəcəsinin düzgün verilmədiyini iddia edir

"Uşağı hansı xəstəxanaya aparsam mənə deyirlər ki, 85 faiz sağlamlığını itirib. 85 faiz sağlamlığını itiribsə, mənim uşağım haqqında necə deyə bilərlər ki, sağlamdır. Sağlamdırsa arayış versinlər və övladım gedib məktəb oxusun, o cümlədən işləsin. Mən də arxayın olum".

Sonxeber.az xəbər verir ki, bu sözləri Şirvan sakini Aytəkin Qarayeva "Apa TV"yə deyib. Aytəkin Qarayeva oğlu Nahid Qarayevin əlilluk dərəcəsinin düzgün təyin olunmadığını bildirir. Onun sözlərinə görə, 2005-ci il təvəllüdlü Nahid Qarayevi 2017-ci ildə yolu keçərkən avtomobil vurub. Qəza nəticəsində kəllə-beyin travması alan Nahid 4 ay komatoz vəziyyətdə qalıb və 3 ay yataq xəstəsi olub. 2021-ci ilin fevral ayına qədər 2-ci qrup əlillik müavinəti alıb. Lakin sonradan tibbi komissiya tərəfindən əlillik dərəcəsi dəyişdirilib və ona üçüncü qrup əlillik təyin edilib. Ana bildirib ki, oğlu müstəqil heç bir iş görə bilmir:

"Uşağın beynində aldığı zədə nəticəsində atrofiya əmələ gəldi. Yəni elə vəziyyətdə qalır ki, gündəlik tələbatını demir. Nə yemir, nə də danışmır. Bütün gigiyenik işlərini, gəzsə də hamısını özüm edirəm. 6-7 dəfə Bakıda əyani komissiyaya aparmışam. Üçüncü qrup əlillik dərəcəsi təyin ediblər. Xəstəxanalarda deyirlər ki, uşağın vəziyyəti ağırdır. Ona da reabilitasiya və müalicələr lazımdır".

Hazırda ailə Nahid Qarayevə yenidən üçüncü qrup əlillik dərəcəsinin verilməsini istəyir.

Ətraflı "Apa TV"nin süjetində:

Telegramda izləyin