"Əhalinin azalması gələcəkdə etnik tərkibin dəyişməsinə gətirib çıxara bilər" - Sosioloqdan XƏBƏRDARLIQ

Azərbaycanda uşaqların sayı azalıb. Bu barədə məlumat Bakı Tədqiqat İnstitutunun 2005-2022-ci illəri əhatə edən hesabatında yer alıb. Belə ki, 2005-ci ildə əhalinin 31,8%-i 17 yaşına qədər uşaqlar təşkil edirdisə, 2022-ci ildə bu göstərici 26,3%-ə düşüb. Azalma özünü daha çox qız uşaqlarında göstərir. Bu müddətdə oğlan uşaqlarının sayı 2,1% artdığı halda qızların sayı 6% azalıb. Bununla da oğlan və qız uşaqları arasındakı gender fərqi 2,5%-dən 3,7%-ə yüksəlib. 2005-2022-ci illərdə 0-17 yaşlı uşaqlarının sayının azalması nəticəsində uşaq kitabxanalarının, teatrlarının, dərnək və kollektivlərin, uşaq sanatoriyalarının sayı da azalıb.

Məsələ ilə sosioloq Əhməd Qəşəmoğlu Sonxeber.az-a açıqlama verib.

Sosioloq bildirib ki, əhalinin azalması gələcəkdə Azərbyacan etnik tərkib dəyişməsinə gətirib çıxara bilər:

"Azərbaycanda əhali xeyli azalacaq. Ailələrin sayı çoxalması eyni zamanda o ailədə böyünən körpəyə psixoloji təsir edir. Bu hallar isə əhalinin sayını azaldacaq. Bu isə yaxşı hall deyil. Çünki ölkədə işçi qüvvəsi, vergi verən əhali azalır, kənardan insanlar ölkəyə axın edir. Nəticədə isə etnik tərkib dəyişir. Ölkədə etkin tərkibin dəyişməsi isə çox böyük təhlükədir. Misal üçün xarici ölkələrdəki mitinqlərə baxsaq, görərik ki, hamısı həmin ölkədən olmayanlar, ərəblərdir. Almanıyada Köln şəhərində əksəriyyət türklərdir. Bu şəhərin bir məhəlləsi tamamən türklərdir. Bu hallar isə sonra müəyyən problemlər yaradır. Ona görə də bu məsələlərdə diqqətli olmaq lazımdır. Ailələrin bir uşağa üstünlük verməsi təhlil edilməlidir".

Telegramda izləyin