Mərhum sənətkarın oğlu: "Ölümündən altı ay əvvəl yaşananlar bizə hələ də qaranlıq qalır"

Mərhum sənətkarın oğlu: "Ölümündən altı ay əvvəl yaşananlar bizə hələ də qaranlıq qalır""Aktyor var ki, Xalq artistidir, oynadığı rolların sayı-hesabı yoxdur, amma yaddaşlarda qalmayıb. Aktyor da var ki, bir rolu ilə tanınıb və bu gün də sevilir. Mənim atam da həmin aktyorlardan olub. Baxmayaraq ki, uzun müddət teatrda fəaliyyət göstərib, amma "Bəyin oğurlanması" filmindəki Ələsgər rolu ilə bu gün də tamaşaçılara xatırlanır. Halbuki o filmdə də epizodda oynayıb. O, elə bir sənətkar olub ki, rolları onu hər zaman yaşadıb və yaşadacaq. Adı hər zaman mənə dayaq olub, köməyimə gəlib".

Bunu Moderator.az-a açıqlamasında Əməkdar artist, mərhum sənətkar Ələsgər Məmmədoğlunun oğlu Ceyhun Məmmədov deyib.

Aktyorun oğlu deyir ki, atası insanlarla daim sıx əlaqədə olub.

"İnanın, biz şəhərə çıxanda hamı gəlib başına yığışırdı. Hər kəs onu sevdiyini bildirib, şəkil çəkdirirdi. Xalqın içərisində olan adam idi. Xəstəliyi ilə bağlı onu İrana müalicəyə aparmışdıq. Bir də gördük ki, otelin qarşısında nə qədər sevənləri gəlib. Eşidiblər ki, Ələsgər Məmmədoğlu İrandadır, sevinərək otelə gəliblər. "Bəyin oğurlanması" filmindəki "Ay Ələsgər" səsini maşınlara siqnal əvəzi qoymuşdular. Bilirdilər ki, harada yaşayır, binamızın qarşısından keçəndə bilərəkdən həmin siqnalı səsləndirirdilər. Bir dəfə də taksiyə minib. Sürücü həmin siqnalı verib. Atam irad tutub ki, niyə qəfil siqnalı verib, insanları qorxudursuz? Sürücü deyib ki, mən o siqnala 300 manat pul vermişəm. Atam zarafatca deyib ki, mənə 150 manat verərdiniz sizin üçün deyərdim də", - deyə sənətkarın oğlu bildirib.

Ceyhun Məmmədov deyir ki, atası üçün heç vaxt rolun böyüyü-kiçiyi olmayıb.

"O illərdə bilirsiniz ki, tanınmaq, sevilmək çətin idi. Çünki hər biri peşəkar sənətkarlar idi. Onların içərisində baş çıxarmaq müşkül məsələ idi. Amma atam bunu bacarmışdı. Həmişə deyirdi ki, sənətimi təmənnasız sevirəm, hətta pul verməsələr belə, səhnəyə çıxıb oynayaram. Fəaliyyəti boyu daha çox epizodik rollar oynamasına baxmayaraq heç vaxt şikayət etməzdi. Hətta şükür edirdi. Onun son videosu var, gəlib teatrda dostları ilə görüşür. Sanki ürəyinə dammışdı ki, o, sonuncu dəfə onları görür. Sənət yoldaşlarından biri ondan soruşur ki, nə demək istərdin dostlarına? Deyir ki, çalışın xəstələnməyin, sağlam olun. Biz onun həmin görüntüsünə baxa bilmirik", - deyə sənətkarın oğlu bildirib.

Ceyhun Məmmədov atasının arzularından da danışıb.

"Həmişə deyirdi ki, kaş sənin toyunu görərdim. Biz övladlarından nigaran getdi. Xəstə olanda da ona demədik ki, xəstəsən. Xəstəliyini ondan gizlətdik, amma hiss edirdi. Hər şey 40 günün içində oldu. Həmişə soruşurdu ki, sağalacağam? Deyirdik ki, hə, 40 günə sağalacaqsan. İrana apardıq onu, orada da dedilər ki, artıq gecdir. Ölümündən 6 ay əvvəl müayinədən keçmişdi, hər şey yaxşı idi. Bu, bizə hələ də qaranlıq qalır. Danışa-danışa, gülə-gülə keçindi", - deyə sənətkarın oğlu bildirib.


Sonxeber.az
Telegramda izləyin
Mədəniyyət   Baxılıb: 1219   Tarix: 02 iyun 2024  

Şikayətiniz varsa Whatsapp: 051 7028255

Facebookda Paylaş


Turlar.az

Oxşar xəbərlər

.

"Bizə qadağa qoyan məmurlar indi..." - Tahir İmanov

Dizayner Aynur Xəlilova "YouTube"da yayımlanan "Hərşeyşünas" adlı podkastının yeni mövsümünə start verib. Ölkə.Az xəbər verir ki, onun budəfəki həmsöhbəti Əməkdar artist Tahir İmanov olub. Sənətçi KVN-nin bu günə qədər keçdiyi çətin yolundan söz açarkən, Rusiyada yaşayan Azərbayca

9 oktyabr
.

Bu da Mənsum İbrahimovun nəvələri - VİDEO

Nəvələri Xalq artisti Mənsum İbrahimovu kövrəldib. olay-a istinadən bildirir ki, ötən gün yeni yaşını qeyd edən xanəndə "Qonaqcanlı" verilişində qonaq olub. Proqramın komandası ona sürpriz kimi nəvələrinin muğam ifaçısını təbrik etdiyi süjet hazırlayıb. M. İbrahimov övladlarının qızlarını

3 oktyabr
.

Putin azərbaycanəsilli skripkaçını dövlət mükafatı ilə təltif etdi

Rusiya Prezidenti Vladimir Putin bir sıra rusiyalı və xarici vətəndaşların dövlət mükafatları ilə təltif olunması haqqında fərman imzalayıb. -ın verdiyi məlumata görə, mükafatçılar arasında Moskvada Böyük Teatrın orkestr artisti, əslən azərbaycanlı olan Teymur Usubov da var. O, "Mədəniyyət və incəsənətd

23 iyul
.

Rusiya və Azərbaycan köhnə filmlərin birgə remeyklərini yarada bilər

Azərbaycan gələcəkdə Rusiya ilə birlikdə ölkənin rusdilli əhalisi arasında populyar olan köhnə filmlərin remeyklərini yarada bilər. "Report" TASS-a istinadən xəbər verir ki, bu barədə Azərbaycan Mədəniyyət Nazirliyinin Yaradıcı Sənayelər və Rəqəmsal İnkişaf şöbəsinin müdiri Rəşad Əzizov Moskv

31 avqust
.

Əməkdar artist Fərqanə Qasımova: "Seçkilər xalqın səsi və iradəsidir"

Dövlətimiz tarixinin ən mürəkkəb və ən şərəfli dövrünü yaşayır. Uzun illər ünvanı Qarabağ olan, amma məcburi köçkün həyatı yaşayan minlərlə insan bu gün doğma yurd-yuvasına qayıdıb. Qanun, haqq ədalət yerini alıb". Bu fikirləri "Seçki 2024" Müstəqil Media Mərkəzinə açıqlamasında Əməkda

22 avqust
.

Ruslar Bakıda tarixi serial çəkəcək

Payızda Bakıda "Konstantinopol" adlı tarixi serialın çəkilişləri olacaq. "Qafqazinfo" xəbər verir ki, bu barədə Rusiyanın NTV telekanalının baş prodüseri Timur Vaynşteyn azərbaycanlı jurnalistlərə açıqlamasında deyib. Serialda XX əsrin əvvəllərində rusiyalı mühacirlərin çətin taleyində

25 iyul
.

"Deyirdi ki, anamın iyini səndən alıram"- Fədayə Laçın övladlığa uşaq götürüb?-AÇIQLAMA

Sosial şəbəkələrdə tanınmış müğənni Fədayə Laçının illər öncə övladlığa uşaq götürməsi ilə bağlı məlumatlar yayılıb. Xəbərin nə dərəcədə doğru olub-olmadığını dəqiqləşdirmək üçün müğənni ilə əlaqə saxladıq. -a özəl açıqlama verən məşhur bu mövzu haqda çox danışmaq istəməsə də, müəyyən məsələlərə aydınlı

4 sentyabr
.

Bir zarafata görə başı bəlalar çəkdi: 46 il yaşadı, əbədi olaraq yaddaşlarda qaldı

Kino və teatr aktyoru Fazil Salayev cəmi 46 il yaşasa da oynadığı rolları, dərin yumor hissi ilə tamaşaçıların yaddaşında əbədi qalıb. İllər keçsə də, onun yaratdığı rollara və filmlərə maraq itməyib. Fazil Salayevin təkcə Mirmahmud Kazımovskinin "Molla Cəbi" vodevilində oynadığı Əlican rol

31 avqust
.

Hacı İsmayılova vəzifə verildi

Xalq artisti Hacı İsmayılov Teatr Xadimləri İttifaqının sədri seçilib. APA-ya istinadən xəbər verir ki, bu barədə ittifaqın bugünkü konfransında qərar qəbul edilib

22 iyul