Diana öldü, amma onun dedi-qoduları BİTMƏK BİLMİR - İDDİA+ FOTO

1997-ci il Fransa yol qəzasında həaytını itirən Şahzadə Diana haqqında iddialar hər zaman olduğu kimi, yenidən gündəmə gətirilir.

Sonxeber.az xarici mənbəyə istinadən xəbər verir ki, 20-ci əsrin ən təsirli stil ikonlarından biri olan Şahzadə Diana "Jimmy Choo"dan "Christian Dior"a qədər olan klassik brendlərini geyinən şəxs kimi tanınırdı. Son iddiaya görə, Diananın Şahzadə Çarlzdan rəsmi boşandıqdan sonra uzaq durduğu bir moda evi olub.

1996-cı ildə Diana ilə işləməyi barədə danışan dizayner Ceyson Brundsona görə, Diana markanın ikonik cüt C loqosu səbəbindən "Chanel"geyinməkdən çəkinib:

"Avstraliyadakı xəstəxanaya getməzdən əvvəl bir hal yaşandı. Diananın saçları hazır olandan sonra "Versace" kostyumu geyinəcəyini bildirdi. Amma o daha sonra hansı aksesuarı istifadə edəcəyini bilmədi. Mən də hamısını yoxladım və bir cüt "Chanel" tapdım. Lakin Diana bunları gördükdən sonra cüt C loqosu olan ayaqqabı geyinə bilməyəcəyini dedi".

Brundsonun sözləri sosial mediada geniş rezonans yaratsa da, fikirlərinin sübüt edilməsinə ehtiyac olduğu görünür. Çünki Diana "Chanel" brendinin çantalarına xüsusi maraq göstərirdi. Bu maraq o qədər məşhur idi ki, marka sonda bir çanta modelinə onun adını verdi. Diananın rəsmi səfərləri zamanı tez-tez istifadə etdiyi çantaları onun bu brendə olan nifrətini kölgədə qoyur. Ola bilsin ki, Brundsonun yaddaşındakı söhbət o günə xas bir gərginlik zamanı ortaya çıxıb.

Telegramda izləyin