Unun qiyməti 32 manat oldu: Çörəyin qiyməti QALXIR? - AÇIQLAMA

Xəbər verdiyimiz kimi, Azərbaycanda unun qiyməti kəskin bahalaşıb. 50 kiloqramlıq un kisəsinin qiymətində 5 manata yaxın artım olub. Belə ki öncə 27 manata satılan 50 kiloqramlıq un kisəsi hazırda satış məntəqələrində 32 manat və daha baha təklif olunur. Unun qiymətində artım tempi davam edərsə, çörəyin qiymətinə necə təsir edcək?

Mövzu ilə bağlı Sonxeber.az-a danışan iqtisadçı ekspert Xalid Kərimli deyib ki, Unun qiymətində bahalaşma olsa da, aprel-may aylarında olan bahalaşma da səngimə də var:

" İndiki qiymətlər keçən iyunun qiymətlərinə uyğundur. Fantastik bir bahalaşma deyil. Yəni unun tonunun dünya bazarındakı qiymətləri keçən il iyun ayına uyğundur. Təbii ki, un məhsullarında cüzi bahalaşma ola bilər. Amma çörək strateji məhsul olduğuna görə, indiki bahalaşma səviyyəsinin çörək qiymətlərində dərhal təsir edəcəyini düşünmürəm".

Ekspertin sözlərinə görə, dəyirmanların ucuz qiymətə aldığı un ehtiyatları var:

"Un qiymətlərinin isə bundan sonrakı gedişatını izləyəcəklər. Yaxın dönəmdə güman etmirəm ki, qiymət artımı qiymətlərə təsir etsin. Nəzərə alaq ki, indiki dəyişiklik 2023-cü ilin iyun ayına bərabər olub. Bu qiymətə adaptasiya olmuş çörək qiymətləri var. Unun qiymətində bahalaşma davam edərsə, un məhsullarında və çörəkdə qiymətləri artıra bilər".

Sevda Səfərova

Telegramda izləyin