Daxil olmaq mümkün deyil, internet zəifdir: İnternetin sürəti niyə zəif ola bilər? - AÇIQLAMA

Məlum olduğu kimi Azərbaycanda internet istifadəçilərinin sayı kəskin çoxdur. Sosial Tədqiqatlar Mərkəzi tərəfindən keçirilən ötən illərdə keçirdiyi ictimai rəy sorğusunun nəticələrinə görə, ölkə üzrə əhalinin 72,2%-i sosial mediadan istifadə edir. Zaman- zaman sakinlər arasında Azərbaycanda internetin zəif olması ilə bağlı şikayətlər olur. İnternetin bəzən zəif olmasının səbəbləri nələrdir?

Məsələ ilə bağlı İnformasiya Texnologiyaları üzrə mühəndis-tədqiqatçı, Azərbaycan Kibertəhlükəsizlik Təşkilatları Assosiasiyasının (AKTA) eksperti Bəhruz Əliyev Sonxeber.az-a açıqlama verib.
Ekspert bildirib ki, internetin zəif olması real texniki problemlərlə bağlı olmaqla yanaşı, pik vaxtların yaranması və nəzərdə tutulandan daha çox istifadəçinin internetdən istifadəsi ilə əlaqəli ola bilər:

"Bəzən internet şəbəkəsinin zəif olmasını hiss edə bilərik. Bu adətən real texniki problemlərlə bağlı olmaqla yanaşı, pik vaxtların yaranması və nəzərdə tutulandan daha çox istifadəçinin internetdən istifadəsi ilə əlaqəli ola bilər. Təbii ki, əsas amillərdən birisi provayder tərəfindən Bandwidth (Bant genişliyi)-in düzgün və tələbə əsasən tənzimlənməsi əhəmiyyətli rol oynayır. Ayrılmış xəttlər ilə ümumi verilən internet arasinda fərqlər mövcuddur. Adətən strateji obyektlər üçün, ayrılmış stabil sürət verilir. Bu həmin obyektin sürətlə bağlı probleminin yaranmamsı üçün, əhəmiyyətlidir. Amma ümumi verilən internet məsələsində provayderlərin kanal üzrə sürət bölgüsünü peşəkar tənzimləməsinə ehtiyac vardır. Təbii ki istifadəçi sayına və onların aldığı sürətə uyğun olaraq, Bandwidth (Bant genişliyi) düzgün tənzimlənərsə, problem əsasən həllini tapacaqdır. Ona görə də internet paylayıcıların interneti düzgün metodologiya ilə paylamasına həmişə ehtiyac vardır".

B.Əliyev internetdə yaranan problemlərə aydınlıq gətirib:

"Amma problemin sadəcə provayder vəya internet paylayıcılarla əlaqəli olduğunu demək bir qədər insafsızlıq olardı. Adətən End User (Son istifadəçi)-in istifadə etdiyi "Router" və avadanlıq da zəif olarsa, sürətə təsirini göstərə bilər. Eyni zamanda "WIFI Routerin" 2.4 GHZ və 5 GHZ ilə bağlı radio dalğaların sazlanmasının həyata keçirilməsi düzgün aparılmalıdır. Eyni zamanda "WİFİ Router" ilə internətə qoşulan İT avadanlığın (mobil və komputer) arasındakı siqnal gücü yaxşı səviyyədə olmalıdır. Bəzi hallarda "WİFİ Router" kanalları düzgün sazlanmadıqda ətrafdakı digər siqnallarla şum yarada bilər və bu da internetin performansına ciddi təsir edə bilər. Bunu aydınlaşdırmağın digər texniki yolu isə, komputeri kabel vasitəsi ilə birbaşa "Router"-ə qoşaraq, sürəti yoxlamaq olar.

Digər problem isə provayderlə son istifadəçi arasında olan məsafə və xətlərin keyfiyətdir. Bu problemi də aradan qaldırmaq üçün, təqdirəlayiq hesab edilən işlər görülür. Artıq uzun müddətdir ki, uzaq kəndlərə belə GPON (Gigabyte Passive Optical Network - Gigabayt Passiv Optik Şəbəkə) texnologiyası tətbiq edilir, fiberoptik xətlər çəkilir. Təbii hadisələrin və yan təsirlərin fiberoptik kabellərə təsiri yoxdur. Bu tipli kabelərlə şəbəkələrin genişləndirilməsi kifayət qədər gözəl addımdır. Zamanla, bir çox məsələ öz həllini müsbət istiqamətdə tapmaqdadır və tapmağa davam edəcək".

Gülcahan Məmmədova

Telegramda izləyin