İş başında ölən 5 zavod işçisi : Fabrik rəhbəri yeddi ilədək həbs edilə BİLƏR - AÇIQLAMA

"Zığ" Gəmi Təmiri və Tikintisi Zavodunda beş əməkdaşının ölməsi faktı ilə bağlı cinayət işi başlanıb. Prokurorluq tərəfindən Cinayət Məcəlləsinin 314.3-cü maddəsi ilə cinayət işi başlanaraq ibtidai istintaqın aparılması Baş Prokurorluğun Kriminalistika və informasiya texnologiyaları idarəsində tapşırılıb. Ümumi olaraq fabrik və zavodlarda səhlənkarlıq nəticəsində işçilərin həyatının itirilməsi zamanı rəhbərliyə hansı cəza verilə bilər?

Məsələ ilə bağlı vəkil Elvin Əliyev Sonxeber.az-a açıqlama verib.
Vəkil məsələyə aydınlıq gətirib:

"Azərbaycan Respublikası Cinayət Məcəlləsinin 314- cü maddəsinə əsasən: 314.1. Səhlənkarlıq, yəni vəzifəli şəxsin işə vicdansız və ya laqeyd münasibəti nəticəsində öz xidməti vəzifəsini yerinə yetirməməsi və ya lazımi qaydada yerinə yetirməməsifiziki və ya hüquqi şəxslərin hüquqlarına və qanuni mənafelərinə və ya dövlətin və ya cəmiyyətin qanunla qorunan mənafelərinə mühüm zərər vurulmasına səbəb olduqda— min beş yüz manatdan üç min manatadək miqdarda cərimə və ya iki yüz qırx saatdan dörd yüz altmış saatadək ictimai işlər və ya iki ilədək müddətə islah işləri və ya iki ilədək müddətə azadlığın məhdudlaşdırılması və ya altı ayadək müddətə azadlıqdan məhrum etmə ilə cəzalandırılır.

314.2. Eyni əməllər ehtiyatsızlıqdan zərərçəkmiş şəxsin ölümünə və ya digər ağır nəticələrə səbəb olduqda— iki ildən beş ilədək müddətə azadlığın məhdudlaşdırılması və ya beş ilədək müddətə azadlıqdan məhrum etmə ilə cəzalandırılır.
314.3. Bu Məcəllənin 314.1-ci maddəsində nəzərdə tutulmuş əməllər ehtiyatsızlıqdan iki və daha çox şəxsin ölümünə səbəb olduqda - üç ildən yeddi ilədək müddətə azadlıqdan məhrum etmə ilə cəzalandırılır.

Məhkəmə cəza təyin edərkən cinayət törətmiş şəxsin şəxsiyyəti, zərərçəkmiş şəxslər ilə barışıq, cinayətin baş vermə mexanizmi vəs. Hallar nəzərə alır".

Telegramda izləyin