Banklar kredit faizlərini yanlış təqdim edir? - VİDEO

Mütəmadi olaraq vətəndaşlara fərqli banklardan aşağı faizlərlə kredit təklif edirlər. Bu onlara ya mesaj kimi göndərilir, ya da reklam formasında qarşılarına çıxır. Lakin banka üz tutan müştərilər daha fərqli mənzərə ilə qarşılaşırlar. Bu zaman onlara təklif olunandan daha yüksək faizlə kredit verilir, ya da imtina edilir.

Sonxeber.az xəbər verir ki, mövzu ilə bağlı "Xəbər Ertəsi"nin əməkdaşları sorğu keçirib:

"Kredit faizləri çox yüksəkdir. İnsan almağa peşman olur. İndiki vaxtda hamıya lazım olur. Lakin sonradan həmin faizləri vermək, illərlə ödəmək çox çətin olur ".

Kreditin faizi həmin bankın maliyyə imkanlarına çıxışın göstəricilərindən biri hesab olunur. Vəkil Anar Ramazanov bildirib ki, Mülki Məcəllənin bir sıra ümumi və sərt müddəaları var:

"Reklam istehlakçını çaşdırmamalıdı. İstehlakçıların aldadılması mülki və inzibati məsuliyyətə səbəb ola bilir ".

Ətraflı "Xəbər Ertəsi"nin süjetində:

Telegramda izləyin