"COP29 ölkəmizin növbəti böyük uğuru olacaq" - DEPUTAT

"Noyabr ayında Bakıda keçiriləcək COP29 sessiyası dünya tarixində qlobal iqlim dəyişiklikləri ilə mübarizədə yeni bir səhifə açacaq".

Bunu Sobnxeber.az-a danışan deputat İqbal Məmmədov bildirib.

Deputat qeyd edib ki, COP29-a hazırlıq uğurla davam etdirilir:

"Azərbaycanın COP 29-la bağlı komandası çox peşəkar olaraq fəaliyyətini davam etdirir. COP29 çərçivəsində Azərbaycanda önəmli qərarlar qəbul ediləcək. COP29-da müzakirə ediləcək mövzular bütün insanların həyatı üçün əhəmiyyətlidir. COP29 bu günə qədər ölkəmizdə keçirilən tədbirlərdən ən böyüyü olacaq.

Noyabrda dünyanın gözü Bakıda olacaq. Ölkəmizin COP29-a kimi mötəbər beynəlxalq tədbirə evsahibliyi etməsi qürurvericidir. COP22 ölkəmizin tanıdılması və gələcək nəsillər üçün daha təmiz dünyanın saxlanmasına görə əhəmiyyətli tədbirdir".

Deputat vurğulayıb ki, COP29 ölkəmizin növbəti böyük uğuru olacaq:

"COP29 iqlim fəaliyyətini sürətləndirmək və 2015-ci ildə dekabrında BMT-nin İqlim Dəyişmələri üzrə Çərçivə Konvensiyasına üzv ölkələrin 21-ci konfransında qəbul edilən Paris Sazişinin məqsədlərinə nail olmaq üçün keçirilən tarixi görüşdür. Bu sənədi 171 ölkənin hökumətləri adından dövlət və hökumət rəhbərləri, xarici işlər və ətraf mühit nazirləri imzalayıb. COP tədbirlərinin keçirilməsinin əsas məqsədi inkişaf etmiş və inkişaf etməkdə olan ölkələrdə iqlim dəyişikliyinin təsirini azaltmaq və eləcəd uyğunlaşmaqda kömək etmək üçün maliyyə yardımı üçün fond yaratmaqdır. COP29 iqlim böhranını həll etmək üçün konkret addımlar atmaq üçün fürsət yaradacaq. COP29 sessiyasına 80 minə yaxın insanın qatılması gözlənilir. Əminəm ki, ölkəmiz bu tədbirdən də digər tədbirlər kimi çox uğurla çıxacaq".

Telegramda izləyin