"Şeyx"lər 8 yaşlı uşağı qurban verdilər: Əlləri kəsilərək ÖLDÜRÜLDÜ

Misirdə 4 gündür itkin düşən 8 yaşlı uşağın dəhşətli qətlin qurbanı olduğu məlum olub.

Sonxeber.az xarici mənbəyə istinadən xəbər verir ki, Misirdə əlləri kəsilən 8 yaşlı uşağın cansız cəsədinin tapılması ölkədə qalmaqala səbəb olub. Hadisəni araşdıran prokurorlar qətlin qanunsuz tarixi əsər qazıntısı ilə bağlı olduğunu iddia ediblər.

Atası 4 gündür itkin düşən azyaşlını Yuxarı Misirin Asit şəhərindəki təsərrüfat sahəsində tapıb. Polis qətllə bağlı uşağın qohumları olan 3 qardaşı saxlayıb. Prokurorluğun paylaşdığı açıqlamaya görə, şübhəlilərdən ikisi cinayəti qeyri-qanuni qazıntıda qədim Misir xəzinələrini ələ keçirmək və uşağın əllərini satmaq qarşılığında törədib.

Bir çox insanlar çəkindirici vasitə kimi cinayətkarların sərt cəzalandırılmasını tələb ediblər. Digərləri isə valideynlərə uşaqları daim nəarətdə saxlamaqla bağlı xəbərdarlıq ediblər.

Qədim xəzinələri tapmaq istəyənlərin insan həyatını qurban verməsi Misirdə adi cinayətdir. Belə bir inanc var ki, tilsimləri pozmaq üçün orada olan "şeyxlərin" qarşısında qəbirlər açılmalıdır. Şeyx olduqlarını iddia edən bu insanlar qədim türbəni qoruyan ruhu çağırdıqlarını iddia edirlər. Bunun müqabilində külli miqdarda pul və qan qurban verilməsini istəyirlər. Çox vaxt belə adətlərdə heyvan qanından istifadə edilir. Amma bəzi "şeyx"lər insan qanının, hətta "uşaq" qanının lazım olduğunu iddia edirlər.

Telegramda izləyin