"COP29-a ev sahibliyi etməyimiz dövlətimizin yaşıl enerji amilinə verdiyi önəmin ifadəsidir" - DEPUTAT

"COP29 beynəlxalq konfransı ölkəmizin və xalqımızın növbəti böyük uğuru olacaq".

Bunu Sonxeber.az-a danışan deputat Cavanşir Paşazadə bildirib.

Deputat qeyd edib ki, BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasının - COP29-un noyabrda Bakıda keçirilməsinin siyasi əhəmiyyəti böyükdür:

"Azərbaycan bu günə qədər bir çox beynəlxalq tədbirlərə ev sahibliyi edib. COP29 bu vaxta qədər keçirilən ən böyük beynəlxalq tədbir olacaq. Noyabr ayında 70-80 min xarici qonaq tədbirlərdə iştirak etmək üçün ölkəmizə səfər edəcək. COP29 dünyada ən mötəbər beynəlxalq tədbirlərdən biridir. Ölkələrin təmsilçiliyi nöqteyi-nəzərindən BMT Baş Assambleyasından geri qalmır. Bütün hazırlıq işləri yüksək səviyyədə davam etdirilir. COP29 beynəlxalq konfransı xalqımızın növbəti böyük uğuru olacaq. Eyni zamanda, Azərbaycan neft-qaz ölkəsi kimi bu sahədə də özünü göstərəcəkdir və dünyada hər kəs bir daha görəcək ki, bizim gündəliyimiz yaşıl enerji ilə bağlıdır.Yaşıl enerji növlərinin yaradılması və yaşıl enerjinin dünya bazarlarına nəqli hazırda bizim enerji siyasətimizin prioritetidir".

Deputat vurğulayıb ki, bu gün dünyada təbiətə vurulan zərərin qarşısının alınması qlobal bir çağırışdır:

"Azərbaycan da bu çağırışa qoşulan və ətraf mühitin mühafizəsi, ekologiyanın qorunmasına xüsusi diqqət göstərən ölkədir. Azərbaycan iqlim dəyişmələrinin fəsadlarına qarşı mübarizəyə daim öz töhfələrini verirb. Cənab prezident İlham Əliyev tərəfindən bu istiqamətdə dövlət proqramları təsdiq edilib, müvafiq fərman və sərəncamlar imzalanıb. COP29-a ev sahibliyi etməyimiz dövlətimizin yaşıl enerji amilinə verdiyi önəmin ifadəsidir. Bu baxımdan düşünürəm ki, Azərbaycanın COP29-a ev sahibi seçilməsi cənab prezident İlham Əliyevin siyasətinin növbəti qələbəsidir".

Telegramda izləyin