Liposaksiya zamanı ölən iki uşaq anasının həkiminin ali təhsili yox imiş - Ailəsindən İDDİA

Liposaksiya zamanı ölən iki uşaq anasının həkiminin ali təhsili yox imiş - Ailəsindən İDDİA"Reo-Med" klinikasına liposaksiya üçün müraciət edən və komaya düşərək vəfat edən 29 yaşlı Aybəniz Almuradovanın ailəsi həkimlərdən şikayətçidir.

Oxu.Az-a açıqlama verən A.Almuradovanın bacısı Gülər Əliyeva mərhumun ölümündə həkimləri günahlandırıb.

Onun sözlərinə görə, bacısı sosial şəbəkədə tanınan həkim Mətanət Eyvazovaya yazaraq liposaksiya olunmaq istədiyini bildirib. Həkim də cavabında əməliyyatın çox yüngül proses olduğunu bildirərək, klinikaya dəvət edib. İyunun 11-də Aybəniz Almuradovanı əməliyyat etmək üçün anesteziya edilib. Hər şey də bundan sonra başlayıb:

"Əməliyyat otağında anestezioloq Babək Mahmudov iynəni vurub, iynənin düzgün vurulub-vurulmadığı sual altındadır. Çünki xəstəxananın kameraları sındırılıb. Ona görə də əməliyyat otağında nə baş verdiyini dəqiq bilmirəm. Xəstəxananın direktoru Əli Hüseynov, anestezioloq Babək Mahmudov və həkim Mətanət Eyvazova - hamısının əli var bu işdə. Bacım komada olanda öyrəndik ki, Mətanət Eyvazovanın heç bir ali təhsili yox imiş. Həmin şəxs lazeroloq işləyirmiş, 6 aydır ki, bu işi kursa gedərək öyrənib. Sadəcə əlində kurs sertifikatı olan bir adam həkim kimi işləyib. Heç bir səlahiyyəti olmadan... Biz ondan diplomunu tələb etdik, gətirmədi. Anestezioloq B.Mahmudovdan da tələb elədik. Mənə gətirdiyi diplom odur ki, adam müalicə işi üzrə keçən il universitet bitirib. Onun anesteziologiya üzrə heç bir təcrübəsi yoxdur".

Mərhumun bacısının sözlərinə görə, xəstəxana da qanunsuz fəaliyyət göstərirmiş:

"Əli Hüseynov da "Reo-Med" klinikasını qanunsuz işlədirmiş. Binəqədi Rayon Prokurorluğundan bildirdilər ki, bizim o xəstəxanadan xəbərimiz yox idi. Bir ay əvvələ kimi biz o xəstəxananı bağlı bilirdik. Oradan şikayət olunub. Bir xanım əməliyyat olunub, bədənində çürümə gedir. Düzdür onu Mətanət etməyib. Başqa həkim edib, amma o xəstəxanada olub. Biz şikayətə gedəndən sonra bildik ki, qanunsuz şəkildə işlədilib. Tibb bacılarının, həkimlərinin ali savadı yoxdur ".

Gülər Əliyeva deyir ki, bacısına ilkin tibbi yardım göstərilməyib:

"Qan analizi alınıb. Başqa analiz alınmayıb. Amma başqa analizlər də alınmalıydı. Əməliyyat otağında ilkin tibbi yardım göstərilməyib. Süni tənəffüs aparatı olmayıb. Sübutla, faktla bunlar mənim əlimdə var.

Digər klinikadan gələn komanda soruşdu ki, niyə bu aparatlara qoşulmayıb? Deyiblər ki, yox idi. Əgər yoxdursa, niyə sən məsuliyyətsizlik edib əməliyyat edirsən? Kimsə bilməsin deyə xəstəxanada 4 saat yubadılıb. Baxıblar ki, əlac yoxdur. Sonra müraciət ediblər. Əvvəlcə başqa klinikaya aparıblar. Daha sonra Neftçilər xəstəxanasına köçürülüb. 21 gün komadan sonra iyulun 2-də vəfat edib. Bildiyimizə görə, həkim hələ də xəstə qəbul edir və əməliyyatlar aparır.

Mətanət Eyvazova deyə bilər ki, bacıma əli dəyməyib, anestezioloq edib, amma o məsuliyyət daşıyırdı. Niyə xəstəni təcrübəsi olmayan anestezioloqa əmanət edirsən? Kimlərisə bədbəxt edirsən. Ona həkim deyilməməlidir, o lazeroloqdur. Biz xəstəxanadan da, həkimlərdən də şikayətçiyik. Bacımın iki balası yetim qaldı. Hər gün analarını soruşurlar. Nə cavab verəcəyimizi bilmirik. Həmin şəxslər qanun qarşısında cavab verəcəklər".


Sonxeber.az Telegramda izləyin instagramda izləyin
Sosial   Baxılıb: 2301   Tarix: 09 iyul 2024  

Şikayətiniz varsa Whatsapp: 051 7028255

Facebookda Paylaş


Ustalar.az ustalar sayti

Oxşar xəbərlər

.

700 bal toplayan Şəbnəm bu universitetdə oxumaq istəyir

Xəbər verdiyimiz kimi, iyulun 7-də keçirilmiş qəbul imtahanında II ixtisas qrupu üzrə ən yüksək nəticəni (400 bal) 1 nəfər göstərib. İmtahanda 400 bal toplayan Xırdalan şəhər 2 saylı orta məktəbin məzunu Novruzova Şəbnəm Ramin qızı hər iki mərhələnin cəminə görə maksimal olan 700 bal yığıb. Həmin abituriyen

20 iyul
.

Bakıda hotelin televizorları oğurlandı

Səbail rayonu ərazisində yerləşən otellərin birindən oğurluq edilib. Daxili İşlər Nazirliyinin (DİN) Mətbuat xidmətindən -a bildirilib ki, araşdırma nəticəsində oteldən 13 ədəd televizor və 3 mobil telefonun oğurlandığı məlum olub. Səbail RPİ 9-cu Polis Bölməsi əməkdaşlarının keçirdikləri tədbirlərl

20 iyul
.

DİN-dən əhaliyə ciddi XƏBƏRDARLIQ - Bu zəng və mesajları bloklayın!

Bank kart məlumatlarının naməlum şəxslərə verilməsi pul vəsaitlərinin oğurlanmasına səbəb olur. xəbər verir ki, bu barədə DİN-in vətəndaşlara çağırışında deyilir. Qeyd olunub ki, hər bir vətəndaş diqqətli olmalıdır, inandırıcı görünən hər bir hal – müraciət, təklif, vəd, qazanc vətəndaşın aldadılmasın

20 iyul
.

İmişlidə bostan bitkilərinin əkin sahəsi genişləndirilib

Bu mövsüm İmişli rayonunda bostan bitkiləri əkilən sahələr genişləndirilib. Bu barədə "Report"un yerli bürosuna İmişli Rayon Statistika İdarəsindən məlumat verilib. Məlumata görə, bu il 324.6 hektar sahədə bostan bitkiləri əkilib. Ötən il bu rəqəm 205.8 hektara bərabər olub. Ümumilikdə ötə

21 iyul
.

ŞAD XƏBƏR: Minimum əmək haqqı bu tarixdən artacaq

"Əmək və Əhalinin Sosial Müdafiəsi Nazirliyi tərəfindən minimum əməkhaqqının artırılması ilə bağlı təkliflər hazırlanır və bu təkliflər noyabrın birinə qədər təqdim olunacaq. Daha sonra hökumətdə müzakirə olunduqdan sonra minimum əməkhaqqının artırılması ilə bağlı qərar qəbul ediləcəyi gözlənilir"

21 iyul
.

Xaricə səyahətin vacib komponenti: Viza necə alınır?

Xaricə səyahət etmək arzusunda olanların həll etməsi vacib məsələlərdən biri də vizadır. Viza nədir, onun əldə edilməsi üçün nələri bilmək lazımdır, hansı ölkələrə gedəndə bu sənəd tələb olunmur - bu və digər suallara aydınlıq gətirmək üçün saytının əməkdaşı kiçik araşdırma aparıb. Öncə qeyd edək ki

20 iyul
.

57 yaşlı qadın öldürüldü - Oğlu təslim oldu

Qaradağ rayonu Ümid qəsəbəsində 57 yaşlı Şükürzadə Aybəniz Məhəmməd qızının kəsici alətlə qətlə yetirilməsi barədə polisə məlumat daxil olub. DİN-in Mətbuat Xidmətindən "Qafqazinfo"ya bildirilib ki, cinayət əməlini törətməkdə şübhəli bilinən oğlu — 1991-ci il təvəllüdlü Şükürzadə Kamran Etiba

20 iyul
.

Prezident İlham Əliyev Milli Mətbuat Günü münasibətilə paylaşım edib

Prezident İlham Əliyev 22 iyul - Milli Mətbuat Günü münasibətilə paylaşım edib. paylaşımı təqdim edir:

21 iyul
.

Azərbaycan Prezidenti: "Bizim ABŞ ilə münasibətlərimiz demək olar hər zaman sabit olub"

"Azərbaycan-ABŞ əlaqələri haqqında danışdıqda bizim əlbəttə ki, Respublikaçılar hakimiyyəti ilə əlaqələrimiz nəzərəçarpacaq dərəcədə uğurlu və nəticəyönümlü olub". AZƏRTAC xəbər verir ki, bu barədə Prezident İlham Əliyev "Yalan məlumatların ifşası: Dezinformasiyaya qarşı mübarizə"

20 iyul