Ağadadaş Ağayevə hansı cəza verilə BİLƏR? - Açıqlama

Xəbər verdiyimiz kimi Xalq artisti Ağadadaş Ağayev aralarında yaranmış mübahisə zamanı tanışına balta ilə xəsarət yetirib. Hadisə Binəqədi rayonu ərazisində Xalq artisti Ağadadaş Ağayevin yaşadığı binanın həyətində, özəl klinika ilə üzbəüz yerləşən ərazidə baş verib. Xəstəlikdən əziyyət çəkən Xalq artistinin halı pisləşdiyi üçün klinikadan yardım istəyib. Evinin eyvanına çıxan Ağadadaş Ağayev xəstəxananın personalına müraciətlə vəziyyətinin pis olduğunu, təcili həkim yardımına ehtiyacının olduğunu deyib. Mühafizəçi isə onu klinikaya dəvət edib. Bu zaman A.Ağayev əlində olan baltanı mühafizəçiyə tullayıb. Balta yerə düşəndən sonra orada işləyən xadimənin ayağına dəyib.

Məsələ ilə bağlı vəkil Babək Həmidov Sonxəbərr.az-a açıqlama verib.

Vəkil bildirib kmi, həmin şəxs məsuliyyətə cəlb oluna bilər:

"Baş vermiş hadisə təəssüf doğurur. Hadisənin detalları məhkəmə istintaqı zamanı məlum olacaq. Lakin əldə olunan məlumatdan belə nəticə çıxarmaq mümkündür ki, burada silah qismində müəyyən alətdən istifadə etməklə, ictimai qaydanı kobud şkildə pozmaqla həyata keçirilən, ətrafdakılara kobud şəkildə hörmətsizlik ifadə olunan xuliqanlıq hərakətinin motiv əlamətləri var. Eyni zamanda hadisədə xəsarət halı var. Bu xəsarətin dərəcəsinə görə həmin hadisəni tərədən şəxs barəsində cinayət işi başladıla bilər. Budan əlavə istintaq zamanı ortaya çıxan faktlara uyğun olaraq da Azərbaycan Respublikasının Cinayət Məcəlləsinin və İnzibati Xətalar Məcəlləsinə maddələri ilə məsuliyyətə cəlb olunsun".

Qeyd edək ki, A.Ağayev uzun müddətdir ki, onkoloji xəstəlikdən əziyyət çəkir.

Telegramda izləyin