İşə götürmək üçün ərindən rəsmi icazə istədilər

İranda təbii qaz mühəndisliyi üzrə magistr təhsili alan Neda deyir: "İşə qəbul müsahibəsində məndən ərimin işləməyə icazə verdiyinə dair yazılı bir ifadə verməyim istənilib".

O, özünü alçaldılmış hiss etdiyini bildirib.

"Mən onlara dedim ki, mən yetkin qadınam və öz qərarlarımı özüm verirəm".

Sonxeber.az xarici mediaya istinadən xəbər verir ki, Nedanın yaşadıqları təkcə onun başına gəlmir. İranda qanuna görə, qadınlar işləmək üçün ərlərindən rəsmi icazə almalıdırlar. Bu, qadınların əmək bazarına girərkən üzləşdiyi çoxsaylı hüquqi maneələrdən yalnız biridir.

Dünya Bankının bu il hazırladığı hesabata görə, İran işçi qüvvəsində iştirak üçün gender əsaslı hüquqi maneələr baxımından ən pis vəziyyətə malik ölkələrdən biridir. Yalnız Yəmən, İordan çayının qərb sahili və Qəzza İrandan aşağı yerdədir.

Telegramda izləyin