14 yaşlı qız imtahanda "şparqalka"dan istifadəyə ETDİ: 17-ci mərtəbədən özünü ATDI

Dubayda 14 yaşlı hindistanlı məktəbli qız imtahanda köçürməyə yol verdikdən sonra 17-ci mərtəbədən özünü ataraq intihar edib.

Sonxeber.az xarici mənbəyə istinadən xəbər verir ki, müəllimi tərəfindən məktəbdən qovulacağı ilə bağlı xəbərdar edilən gənc qız evə qayıtdıqdan sonra çox pis olub. 14 yaşlı qızın meyiti təmizlik işçisi tərəfindən tapılıb və hadisə barədə Dubay Polisi Əməliyyat Mərkəzinə məlumat verilib.

Təmizlik işçisi hadisə yerinə gələn polisə bildirib ki, yoldan keçərkən meyiti görəndə şoka düşüb. İlkin araşdırmalar zamanı məlum olub ki, hadisə baş verən gün 14 yaşlı qız imtahanda "şparqalka"dan istifadə edərkən müəllimi tərəfindən tutulub. Müəllimi xəbərdarlıq edib ki, əgər yenidən belə bir hal yaşansa, şagird məktəbdən qovulacaq.

Polis məsələ ilə bağlı yerli mətbuata açıqlama verib: "Ailədən bizə dedilər ki, qız evə qayıdanda vəziyyəti pis olub. Köçürməyə yol verdiyi üçün atası qızı danlayıb. Qız otağına keçib və qaını kilidləyib. Daha so0nra otaqda səs-küy eşidilib".

Ailə qızlarının ölümündən polis gələndə xəbər tutub. Polis hadisəni intihar kimi qeyd edib və meyiti Ədliyyə Tibb Ekspertizası Baş İdarəsinə göndərib. Polis ailələri uşaqlarla münasibətdə diqqətli olmağa çağırıb.

Telegramda izləyin