Qohumluq YADLAŞIR: Qardaş öz qardaşı uşağını qaçırır, dayı bacı qızı ilə yaxınlıq edir...

Sosial həyatda insanın ailəsindən sonra ən yaxınları qohumudur. Qohumluq münasibətləri sosial həyatın ən mühüm əlaqələri sırasındadır. Lakin qohumluq münasibətlərində getdikcə zəifləmə müşahidə olunur. Artıq qohumlar biri-biriləri ilə isti münasibt saxlamır və ünsiyyət qurmurlar. Yəni bu münasibətlər ölkəmizdə tədricən zəifləməyə başlayıb. Bəs bunun səbəbi nə ilə bağlıdır?

Mövzu ilə bağlı Sonxeber.az-a danışan psixoloq Gülnar Orucova deyib ki, son dönəmlərdə insanların həddindən artıq telefonlardan və sosial şəbəkələrdən istifadə etdiyini, sosial şəbəkə aludəçisi olduğunu dana bilmərik:

" Sosial şəbəkə sanki insanları özünə "əsir" edib. Əvvəllər insanlar hansısa qohumunu görməyə gedərdi. Amma indi insanlar sosial şəbəkə üzərindən canlı bağlantı qurur və qohumu ilə danışır. Düşünür ki, gedib əziyyət çəkəcəyinə, sosial şəbəkə üzərindən canlı bağlantı qurmaq daha rahatdı və uyğundur. Bəzən qonaqlıqlar olur, qohumlar bir yerə yığışır. Amma burada sanki həmin qohumlar cismən bir yerə yığışıblar. Ancaq onlar ruhən ayrı-ayrı yerlərdədir. Eləcə də ya birinin əlində telefonu var, ya da özlərinin maraq dairəsində olan yerlərdədirlər. Bundan əlavə biz qohumluq əlaqələrinə əvvəllər çox isti yanaşırdıq".

Psixoloqun sözlərinə görə, qohumlar arasında bir-birinə kəm baxma halları olur. Məsələn heç vaxt rastlaşmadığımız qardaş öz qardaşının uşağını qaçırdır və ölkə xaricinə çıxırsa, dayı öz bacısı qızına yaxınlıq edir:

" Biz bu kimi hallar ilə qarşılaşdıqca və bəzi qohumların etdiyi hərəkətləri gördükcə öz övladlarımızı qohumlarımızdan qorumağa çalışırıq. Bu zaman nə baş verdi? Qohumluq əlaqələrindən uzaqlaşdıq. Əvvəl bir həyətdə neçə qardaş bacı yaşayırdı. İndi isə hər kəs ayrı yaşamaq istəyir. Ailə quran gənclərin çoxu evlərində qaynana və qaynata istəmirlər. Bunlar hardasa qohumluq əlaqələrinin soyulmasına səbəb olur. Karantin dönəmində onlayn toy belə gördük. Toya onlayn qatılanlarda oldu. Karantin hardasa dönəmi qohumluq əlaqələrinin zəifləməsinə gətirib çıxardı. Amma biz qohumluq əlaqələrinin zəifləməsinin səbəbini sosial şəbəkələr, həddindən artıq telefonlardan istifadə etmək və canlı bağlantılardır. İndi deyirlər ki, əgər mənim evimə gəlirsənsə qabaqcadan xəbər et. Bu nə qədər doğrudur ki, insan qohum evinə gedəndə xəbər verməlidir? Bu da doğru bir yanaşma deyil".

Sevda Səfərova

Telegramda izləyin