Bayrağa hörmətsizlik edən CƏZALANDIRILACAQ - VİDEO

Üçrəngli Azərbaycan bayrağı zirvələrə layiqdir. Bu hər zaman belə olub. Bu bayraq o qədər müqəddəsdir ki, Birinci Qarabağ müharibəsində Əliyar Əliyev onu Laçına sancmaq sevdası ilə olub. Natiq Qasımov ermənilərin əlinə düşəndə bu bayrağı əlindən buraxmayıb.

Bayrağımız 2020-ci ildə İkinci Qarabağ müharibəsində əldə olunan zəfərlərlə bütün Qarabağ və Şərqi Zəngəzurun səmasında dalğalandı. Şəhidlərin nəşləridə bu bayrağa büründü. Bayraq sevgisi bizim mentalitetdə əziz tutulur. Çünki ana vətənimiz ana qədər müqəddəsdir. Lakin dünyanın çox yerində bu dəyərlər gözlənilmir. Onlar aid olduqları ölkənin simvolunu corabdan tutmuş papağa kimi bütün geyimlərdə istifadə edirlər. Sonxeber.az xəbər verir ki, məsələ ilə bağlı "Apa TV"nin əməkdaşları araşdırma aparıb:

"Bəzi adamlar belə hərəkətlərə yol verir. Bayrağı paltar kimi geyinir yaxud başqa formada istifadə edir. Mən hesab edirəm ki, bu şitdir. Bayraq müqəddəs bir anlayışdır. Bizim dövlətçiliyimizin, mədəniyyətimizin və tariximizin rəmzidir. Orada nə qədər maraqlı fikirlər və ideyalar formalaşıb. Bayrağı müqəddəs rəmz kimi qorumaq lazımdır və belə şit hərəkətlərə yol verməməliyik".

Qanun deyir ki, dövlət rəmzinə hörmət hər bir vətəndaşın ali borcudur. Bu məsələ konstitusiyamızda öz əksini tapıb. Dövlət rəmzlərinə hörmətsizlik qanunla müəyyən edilmiş məsuliyyətə səbəb olur.

Ətraflı "Apa TV"nin süjetində:

Telegramda izləyin