Azərbaycanda bahalaşma nə vaxt BİTƏCƏK? - AÇIQLAMA

Yay mövsümü olduğuna basxmayaraq, Azərbaycanda müəyyən məhsullarda bahalaşma müşahidə olunur. Qiymət artımı həm yerli istehsal, həm də idxal məhsullarında özünü göstərir. Hətta meyvə tərəvəzlərin qiyməti belə yüsəskdir. Artıq toy ərəfəsində ətin bahalaşması ilə bağlı proqnozlar verilir. Ərzaq məhsullarında qiymət artımının davam etməsi demək olar ki, hər zaman gündəm mövzulardan biri olub.

Məhsullarda davam edən qiymət artımı əhalinin narahatlığına səbəb olur və birmənalı qarşılanmır. Bəs bu, bahalaşma nə vaxta qədər davam edəcək? Mövzu ilə bağlı iqtisadçı ekspert Natiq Cəfərli Sonxeber.az-a açıqalama verib:

"Azərbaycanda bu mövsüm ərzaq və kənd məhsullarının bahalaşmasının əsas səbəbi odur ki, Azərbaycanda yanacağın qiymətində dəyişikliklər baş verdi. Kənd təsərrüfatı məhsullarının daşınması, istehsalı, əkilməsi və yığıılmasında dizel yanacağı böyük paya malikdir. Dizelin qiymətinin dəyişməsi məhsulların maya dəyərinə təsir göstərir. Yay ayları olmasına baxmayaraq ərzaq məhsullarında bahalaşmanı müşahidə edirik. Bahalaşma ilə bağlı növbəti mərhələni yaxından izləyəcəyik. Tələbat artımıda qiymətlərə təsir göstərir. Yayın sonuna kimi uculaşma gözlənilən deyil və payız aylarında belə mövcud tendensiya müşahidə oluna bilər".

Telegramda izləyin