Vətən Müharibəsində fəaliyyəti ilə seçilən Vüqar Ələkbərovun seçicilərlə görüşü uğurla davam edir

2024-cü il sentyabrın 1-də Azərbaycan Respublikası Milli Məclisinə keçiriləcək növbədənkənar seçkilərdə iştirak edən namizədlərdən biri də Plastik və Rekonstruktiv cərrah Vüqar Ələkbərovdur.

Sonxeber.az xəbər verir ki, Vüqar Ələkbərov namizədliyini 15 saylı Yasamal birinci seçki dairəsindən verib.

Namizəd Vüqar Ələkbərovun təbliğat-təşviqat kampaniyası uğurla davam edir. Yüksək səviyyədə təşkil olunan görüşlərdə namizədin gördüyü işlər barədə ətraflı məlumatlar verilib.

Eləcə də Vüqar Ələkbərov təşkil olunan görüşlərdə seçicilərin problemlərini dinləyir və onların həlli üçün nəzərdə tutulan təklifləri vətəndaşların diqqətinə çatdırır. Eyni zamanda o, görüşlərdə seçicilərinə parlamentdə təmsil olunarsa, əhalini narahat edən məsələlərin həllində və səhiyyə sistemi ilə bağlı qanunların qəbulunda yaxından iştirak edəcəyi sözünü verib.

Qeyd edək ki, 44 günlük Vətən müharibəsi zamanı və ondan sonrakı dövrdə Vüqar Ələkbərov yüzlərlə yaralı hərbçimizi təmənnasız əməliyyat edərək sağlamlığına qovuşdurub.

Seçicilərin yüksək fəallığı ilə keçən görüşlərdə Vüqar Ələkbərov daim seçicilərin yanında olacağına və onların problemlərinin həlli üçün səlahiyyəti çərçivəsində əlindən gələni edəcəyini söz verib.

Hazırda təbliğat-təşviqat prosesinə görə, o, namizədlərdən öndədir və seçicilər Vüqar Ələkbərovun səmiyyətini və təkliflərini yüksək qiymətləndirir.

Telegramda izləyin