Sakinlərin NƏZƏRİNƏ: Bəzi ərazilərdə qaz olmayacaq

Sabah İmişli rayonunun 23 yaşayış məntəqəsində qaz olmayacaq.

"Report"un məlumatına görə, "İmişli 1" ölçü qovşağından qidalanan orta təzyiqli qaz xətti üzərində quraşdırılmış seperatorun baypas xətti üzərinə filtrin quraşdırılması və yeni qaz xəttinin şəbəkəyə qoşulması məqsədilə əlaqədar olaraq, sabah saat 9:00-dan etibarən işlər başa çatanadək "İmişli" QPS-dən qidalanan "İmişli 1" ölçü qovşağından (İmişli şəhər mərkəzi, 20 kənd, 2 qəsəbə cəmi: 17 969 abonent, Saatlı rayonunun 1 kəndi 225 abonent) qaz təchizatının dayandırılması planlaşdırılır.

15:36

Biləsuvar rayonunun 5 yaşayış məntəqəsinin qaz təchizatı dayandırılıb.

"Report"un məlumatına görə, rayon ərazisində yerləşən "Ovçubərə" qaz paylayıcı stansiyadan qidalanan Əsgərabad kəndi istiqamətində yeraltı polietilen qaz kəmərinin kipliyə yoxlanılması üçün Ovçubərə, Amankənd, Dərvişli, Aşağı Cürəli və Əsgərabad kəndlərinin ümumilikdə 2 200 abonentinin təbii qaz təchizatı işlər yekunlaşana qədər dayandırılıb.

Qurum abonentlərdən qaz təchizatı avadanlıqlarını nəzarətdə saxlamaq və təhlükəsizlik tədbirlərinə riayət etmələrini xahiş edir.

Telegramda izləyin