Azərbaycanda kirayə mənzillər BAHALAŞACAQ?

"Kirayə mənzilə təlabatın çoxalması son illərdə kəskin qiymət artımına səbəb olur".

Bu sözləri Sonxeber.az-a açıqlamasında əmlak eksperti Elnur Fərzəliyev deyib.

O bildirib ki, bahalaşmaya səbəb olan amillər çoxdur:

"Bunlardan biri daşınmaz əmlakın satış qiymətinin artmasıdır ki, bu, kirayə mənzil bazarında da bahalaşmaya gətirib çıxarır. Digər tərəfdən, istismar müddəti bitmiş çoxmənzilli binaların sökülməsi həm kirayə mənzil sayının azalması, həm də burada yaşayan insanların da kirayə ev mənzil ehtiyaclarının yaranmasına şərait yaradır".

Ekspertin sözlərinə görə, kirayə qalanların böyük bir hissəsini tələbələr təşkil edir.

"Qarabağ Universitetinin fəaliyyətə başlaması paytaxda tələbə sıxlığının azalmasına səbəb ola bilərmi?" sualını isə E.Fərzəliyev belə cavablandırıb:

"Xankəndi şəhərində Qarabağ Universitetinin fəaliyyətə başlaması həmin ərazilərə də tələbə axınını artıracaq. Bununla yanaşı, gələcəkdə Qarabağda açılacaq olan ali təhsil müəssisələrininn artması paytaxda tələbə sıxlığının azalmasınada təsir edəcək".

Fəxriyyə Adil

Telegramda izləyin