Brend necə yaradılır ? - AÇIQLAMA

Azərbaycanda sahibkarlıq fəaliyyəti ilə məşğul olmaq istəyənlər arasında öz brendini yaratmağa çalışanlar az deyil. Bir brend necə yaradılır? Brend yaradarkən əsas hansı amillərə nəzər salmaq lazımdır?

Mövzu ilə bağlı Azərbaycanlı brend yaradıcısı, gənc dizayner Nigar Xəlilova Sonxeber.az -a açıqlamasında bildirib ki, geyim brendi yaratmaq üçün əsas öhdəliklərdən biri məhsulu və xidməti keyfiyyətli şəkildə təqdim etməkdir:

"Məlum olduğu kimi Azərbaycanda yerli brendlər son 7-8 ildə " yaranmağa başlayıb və getdikcə artır. İlk yaranan brendlərdən biri olaraq ən önəmli öhdəliklərimizdən biri insanlara məhsulumuzu və xidmətimizi ən keyfiyyətli şəkildə təqdim etməkdir. Bununla biz təkcə öz brendimizi sevdirmirik həm də insanlarda digər yerli brendlərə qarşı da güvən və sevgi yaradırıq. Düşünürəm ki, hər bir yerli brend bu missiyanı yetərli şəkildə icra etsə Azərbaycan markalarına inam günbəgün artacaq".

O həmçinin brend yaratmağın çətinliklərindən də danışıb:

"Çətinliklərə gəldikdə isə onlar hər zaman var, əgər bu məni qorxutsaydı Azərbaycan kimi tekstil sahəsinin inkşafı zəif olan ölkədər geyim brendi yaratmazdım. Çünki bu sahədə saysız- hesabsız maneələr var. Xammal əksikliyi, işçi qüvvəsi problemi, insanlarda yerli brendlərə qarşı olan ön yarğı və ən əsası dövlət tərəfindən heç bir imtiyazların olmaması buna misaldır. Amma bu sahəyə başlamaq istəyənlər bilməlidirlər ki, müəyyən çətinliklər olsa da insanlar tərəfindən brendiniz sevildikcə bu sizə böyük motivasiya olacaq".

Çiçək Sadatova

Telegramda izləyin