Nə baş VERİR? - Paşinyan bu halda onlardan QURTULACAQ

Ermənistanda konstitusiya islahatları ilə bağlı keçiriləcək referendumun vaxtı uzadılıb. Belə ki, dəyişikliyin indi də 2027-ci ildə baş tutması planlaşdırılır. Eyni zamanda, Paşinyan bildirib ki, İrəvan və Bakı 17 maddədən 13-də razılığa gəliblər və o, bu formada imzalamağı təklif edir. O, bu 13-cü maddənin məzmununu və tərəflərin nə barədə razılığa gələ bilmədiklərini açıqlamayıb. Bununla yanaşı, Paşinyan sərhəddə İlham ƏIiyev ilə sərhəddə görüşməyə hazır olduğunu və COP 29da iştirak edib-etməyəcəyini noyabra qədər baş verə biləcək proseslərə görə qiymətləndirəcəyini deyib.

Bəs son proseslər hansı hadisələrdən xəbər verir?

Ermənistanın bu proseslərdə ləng tərpənməsi, süründürmə siyasətinin bir sıra səbəbləri var. İlk növbədə xarici qüvvələrin rəsmi İrəvana birbaşa təsiri var. Ermənistan özbaşına qərar qəbul edə bilmir. O Azərbaycan deyil ki, məsələlərin həlli ilə bağlı addımlar ata bilsin. Paşinyanın özünün bir olanı var. O, növbəti seçkilərə qədər vaxt udmağa çalışır. Burada konstitusiya dəyişiklik edilib edilməməsi ilə bağlı riskə getmək niyyətində deyil. Rəqibləri də görürük ki, 2026-ci il başa çatsın və növbəti ildə proseslərin təminatına başlasın. Növbəti parlament seçkilərində qələbə qazanmağa çalışır. Mən istisna etmirəm ki, o Azərbaycan Prezidentinə şəxsi bir qayda möhlət istəyib. Necə ki, hakimiyyətə gələn vaxtlarda ayaqüstü söhbətlərdə prezidentimizdən xahiş etmişdi. Paşinyan həmin müddətdə vəziyyəti dəyişə bilmədi. Biz Paşinyanın fəal manevr hərəkətlərinin şahidi oluruq.

Paşinyanın istəyi ondan ibarətdir ki, özünün siyasi həyatını maksimal dərəcədə uzatsın. Bu baş verərsə Paşinyan güclü və sabit dirəklərə sahib olacaq.Hətta parlamentdə təmsil olunan müxalifətdən qurtula bilər. Çox güman ki, saxtakarlıq halları baş verəcək. Nə Köçəryan, nə Sarkisyanın tərəfdaşlarının parlamentdə təmsil olunmasına imkan verilməyəcək. Hər halda biz görürük ki, süni surətdə boşluqları doldurmağa çalışır. 17 maddədən ibarət sənədin 13-ü ilə biz razıyıq. Hətta sənədin yox qeydlərin sayını dilə gətirir. Bu sahədə Paşinyan tələsmir və istifadə edir. Hər halda Azərbaycanın tələsməyə yeri yoxdur. Çünki biz əsas məsələni həll etmişik.

Onlar bu ərəfədə Qarabağ ermənilərinin Azərbaycana gətirilməsi məsələsini gündəmə gətirir və bu zəmində manevrlər edirlər. Məqsəd isə beynəlxalq birlikdən təlimat və dəstək almaqdır.Azərbaycan tərəfinin mövqeyi bəllidir. Qarabağda yaşamış insanlar üçün imkan var. Əgər əllərində azərbaycanlıların qan izləri yoxdursa, həmin insanlar vətəndaşlığımızı qəbul etmək şərtilə yaşaya bilərlər. Amma soydaşlarımızın qərbi Azərbaycana məsələsi də gündəmdədir. Bu daha çox vacib məsələdir. Azərbaycan bu məsələni daim aktuallaşdırır. Dünya birliyinin gündəliyinə salınıbsa bu mütləq baş verəcək. Biz dediyimizdən geri dönmürük.

Politoloq Tofiq Abbasov

Telegramda izləyin