Uzun müddət gömrükdə qalan malın aqibəti NECƏ OLUR? - AÇIQLAMA

Gömrük yoxlanışı beynəlxalq ticarət sisteminin əhəmiyyətli hissəsidir. Məhsulların ölkəyə daxil olarkən yoxlanılması prosesi ticarət qaydalarının yerinə yetirilməsini təmin edir. Lakin bəzən gömrük rüsumunun ödənilməməsi yaxud məhsul sahiblərinin tapılmaması kimi səbəblər məhsulların gömrükdə qalmasına səbəb olur. Bəs bu məhsulların aqibəti necə olur?

Sonxeber.az xəbər verir ki, mövzu ilə bağlı "Apa TV"nin əməkdaşları süjet hazırlayıb:

"Gömrükdə qalan mallar ilə bağlı Gömrük Məcəlləsində müvafiq qaydalar nəzərdə tutulmuşdur. Bütün məsələlər həmin məcəllə ilə tənzimlənir. Elə olur ki, vətəndaş gömrük bəyannaməsini bəyan etmir, vergiləri ödəmir. Belə olan təqdirdə gömrükdə qalan mal müvəqqəti saxlanc yerinə keçirilir. 4 ay müddətinə həmin yerdə saxlanılır. Elə ola bilər ki, həmin mallar ilə bağlı başqa prosedurlar keçirilə bilər. Həmin prosedurlar maksimum 3 il müddətinə təyin edilib. Bütün bu müddət ərzində vətəndaş gömrük bəyannaməsini təsdiq etməsə yaxud gömrük ödənişlərini yerinə yetirməsə vətəndaşın malı dövlət sərəncamına verilir. Dövlət həmin malı açıq hərracla satışa çıxarır ".

Daha ətraflı Apa TV-nin süjetində:

Telegramda izləyin