Azərbaycanda bu tarixdə devalvasiya OLA BİLƏR - AÇIQLAMA

İqtisadiyyat Nazirliyi tərəfindən təqdim olunmuş makroiqtisadi proqnozlarda 2025-2028-ci illər üzrə manatın ABŞ dollarına qarşı məzənnəsi sabit, cari ilin səviyyəsində götürülüb. Bununla bağlı Maliyyə Nazirliyi məlumat yayıb. Qeyd edilib ki, proqnozlara əsasən ortamüddətli dövrdə əhalinin gəlirlərinin artaraq 2028-ci ildə 112,5 milyard manata, xərclərinin isə 107,9 milyard manata qədər yüksəlməsi gözlənilir.

Eyni zamanda, ABŞ-nin mərkəzi bankı kimi çıxış edən Federal Ehtiyat Sistemi (FED) sentyabrın 17-18-də keçirilən ikigünlük iclasının sonunda uçot dərəcəsini 50 baza bəndi - illik 4.75-5.25% səviyyəsinə endirib. Belə olan təqdirdə manat məzənnəsini qoruyacaq, yoxsa ucuzlaşacaq?

Mövzu ilə bağlı Sonxeber.az-a danışan iqtisadçı Natiq Cəfərov deyib ki, Federal Ehtiyat Sisteminin yaxud başqa bir ölkənin mərkəzi bankının atdığı addımların Azərbaycan manatına birbaşa heç bir təsiri yoxdur:

"Azərbaycan manatı bazarda məzənnəsi müəyyən olunan valyuta deyil. Azərbaycan mədəniyyəti inzbati qaydada tənzimlənən məzənnə rejimi ilə fəaliyyət göstərir. Son 9 ildir ki, Azərbaycan manatının məzənnəsi inzibati olaraq 1 manat 70 qəpik saxlanılır. Dünyada faizlər artıb. FED-də faizləri artırdığını görmüşük. Hətta onun 0,25 faiz uçot dərəcəsinin olduğu vaxtlarda var idi. 2019-2020-ci ildə bunun Azərbaycan manatına təsiri olmayıb. Məzənnə hökumət və Mərkəzi Bankın qərarına əsasən dəyişir. Nə zaman qərar verilsə, məzənnə dəyişəcək".

Bank məsələləri üzrə ekspert, hüquqşünas Əkrəm Həsənov isə bildirib ki, federal ehtiyat sisteminin faiz dərəcəsini endirməsi dünyada dolların ucuzlaşması deməkdir:

" Dollar üzrə bank faizlərinin enməsi deməkdir. Dollar burada daha ucuz maliyyə aləti olur. Manatın bu fonda ucuzlaşması gözlənilmir. amma biz də dollar ucuzlaşmayacaq. 2017-ci ildən bəri Azərbaycanda dəyişmir. Yaxın 1 ildə Azərbaycanda devalvasiya gözlənilmir. Bu ehtimal yüksək deyil. Dünyada hər şey hər an dəyişə bilər. COP29 tədbiri və ondan sonra hər hansı bir dəyişiklik olmayacaq. Azərbaycanda investisiya mühiti yaxşılaşdırılmalıdır. Amma kifayət qədər valyuta egtiyatlarımız var. Buna görə də, məzənnəni lazımi çərçivədə saxlaya bilirik. Qısamüddətli perspektivdə gözlənti yüksək deyil. Amma yaxın 3 ildə devalvasiya olacaq. Bunun baş verməsi gözləniləndir".

Sevda Səfərova

Telegramda izləyin