Azərbaycanda zəlzələ ola bilərmi? - AÇIQLAMA

Sentyabrın 17-də yerli vaxtla saat 15:19-da Lökbatanda palçıq vulkanı püskürüb. Bu barədə AMEA nəzdində Respublika Seysmoloji Xidmət Mərkəzindən məlumat verilib. Palçıq vulkanının püskürməsinin dərinliyi 3 kilometr, püskürmə 6 dəqiqə 20 saniyə davam edib. Püskürmənin ikinci fazası yerli vaxtla saat 16:09-da qeydə alnıb. Püskürmənin davamlığı 3 dəqiqə 34 saniyə olub. Püskürmə zamanı ayrılan seysmik enerji Е=0.4×10⁷ C təyin olunub. Vulkan AMEA nəzdində Respublika Seysmoloji Xidmət Mərkəzinin doqquz seysmik stansiyası (vulkanətrafı) tərəfindən qeydə alınıb.

Bəs görəsən vulkan püskürməsi zəlzələyə səbəb ola bilərmi ?

Mövzu ilə bağlı Sonxeber.az - a açıqlama verən seysmoloq Qulam Babayev bildirib ki, bunu dəqiq demək mümkün deyil:

"Dünyanın bir qisim alimləri deyir ki, vulkan zəlzələni yaradır, bir qisim isə deyir ki, zəlzələdən sonra vulkan püskürməsi aktivləşir. Bu yanaşmaların heç biri dəqiq sübut olunmayıb. Bu biraz mübahisəli mövzudur. 2014-cü ildə yazdığım bir məqalədə qeyd etmişdim ki, 2000 ci il 25 noyabr zəlzələsindən sonrakı 5 il ərzində vulkanların püskürməsi aktivləşdi. Hal-hazırda baş verən vulkan püskürməsindən sonra zəlzələ olacaq, yoxsa yox bunu dəqiq demək mümkün deyil. Amma narahatlığa da bir əsas yoxdur. Vulkan püskürməsi yerin altında toplanmış enerjini azad edir. Bu da bir növ gələcəkdə baş verəcək zəlzələnin maqnitudasının dinamikasını azaldır".

Çiçək Sadatova

Telegramda izləyin

instagramda izləyin