Dünyanin ən yaşlı pəhləvanı, 63 yaşlı Əliyar- VİDEO

63 yaşlı Əliyar Musayev dünyanın ən yaşlı pəhləvanı, canlı əfsanədir. Yaşının çox olmasına baxmayaraq bir çox gənclərə meydan oxuyan pəhləvan göstərdiyi nömrələrlə hər kəsi təəccübləndirir.

Sonxeber.az xəbər verir ki, 63 yaşlı pəhləvan Astar TV-yə danışıb:

"İnsan pəhləvan kimi doğulmalıdır. Pəhləvanlıq elə bir sənətdir ki, burada söhbət gücdən gedir. Hər bir insana Allah güc verir. Kökdən gəlmə gücü idman edərək gücləndirirsən. Mən 12 yaşımdan idmanla məşğul oluram. Həyatımın böyük hissəsini bu sənətdə keçirmişəm. Gündə 3 saat idmanla məşğul oluram. Yaşım çox olduğundan daha çox idman edirəm ki, özümü formada saxlayım".

Əliyar Musayevin iki oğlu var. Onlar birinci sinifdən idmanla məşğul olublar:

"Azərbaycanın ən güclü müəllimləri onlara dərs keçiblər. Hal-hazırda övladlarımın hər ikisi qara kəmər ustasıdır. Bir neçə fəndləri keçiblər. Zalımız olmayanda həyətdə azı 20 nəfər tələbəmiz olurdu. Mən olmayanda oğlum onlara dərs keçib. Biz istəmişik ki, gənclərimiz idmanla məşğul olsun. Bu yaşımda sosial şəbəkələrdə və televiziyalarda həmişə deyirəm ki, gəncləri narkotikdən uzaqlaşdırıb, idmanda həvəs yaratmaq lazımdır".

Ətraflı videomaterialı təqdim edirik:

Telegramda izləyin