Dövlət məmuru 10 il ərzində işə getmədən maaşı necə ALIB?

Taylandda dövlət məmuru işə getmədiyi halda maaş və mükafatlar alıb.

Sonxeber.az xəbər verir ki, bu barədə "South China Morning Post" nəşri məlumat yayıb. Nəşrin verdiyi məlumata görə, bu hal ölkədə korrupsiya hallarının artımı ilə bağlı narahatlıq yaradıb. Adı açıqlanmayan məmur Taylandın mərkəzi əyalətində Fəlakətlərin qarşısının alınması və azaldılması departamentində vəzifə tutub.

Sözügedən məmur 10 ildir ki, hökümət ilə bağlı işlərdə iştirak etməyib. O, əsas diqqətini gecə klubunda müğənni kimi karyerasına yönəldib. Bu baxımdan vəzifələrini yerinə yetirməyə vaxtı olmayıb. Bununla yanaşı, gecələri işlədiyi üçün gündüzləri işdən yayınma halları baş verib.

Dövlət məmuru 10 il ərzində nə cəzalandırılıb, nə də nə işdən çıxarılıb. O,yoxlamadan yayınmaq, hərdən töhmət almaq və bəldiyyə sədrinin tələbi ilə sənədləri imzalamaq üçün idarəyə çağırılırdı.

Məmurun qanunsuz əməlləri "Watchdog" adlı Facebook səhifəsində ifşa edilib. Yerli hökümət orqanları yayılan məlumatlar ilə bağlı açıqlama verməyib. Eyni zamanda, işçinin necə cəzalandırılacağı isə hələlik bəlli deyil.

Tayland qanunlarına görə, korrupsiyada əli olan məmurları 1 ildən 10 ilə qədər həbs və 2 mindən 20 min baht məbləğində cərimələr gözləyir.

Telegramda izləyin