Bu kişi ancaq 9-cu sinfi bitirib: Diplomu omadığı halda 20 ildir xəstələri ƏMƏLİYYAT EDİR

Taylandda yaşayan 36 yaşlı kişi 9-cu sinif məzunudur. 36 yaşlı Kittikorn Songsri diplomu olmadan əməliyyatlar həyata keçirdiyi üçün həbs edilib.

Sonxeber.az xəbər verir ki, bu barədə "Oddity Central" saytı məlumat yayıb. Kittikorn son 20 ildə müxtəlif prosedurlar edib. O, tibbi təhsili olmadığı halda sosial media vasitəsilə xidmətlərini reklam etdiyini və hər ay ən azı iki və ya üç xəstəni əməliyyat etdiyini deyib.

Kittikorn polisə bildirib ki, 14 yaşında implantasiya prosedurunu özü öyrənib. İllərdir ki, bu prosedurları həyata keçirməklə məşğuldur. Xəstələrdən birinə həkimin etdiyi əməliyyatdan sonra infeksiya keçib. Bu hadisə baş verdikdən sonra həkimin saxtakarlığı üzə çıxıb.

Baş verən hadisələrdən sonra xəstə dərhal səlahiyyətli şəxslərə müraciət edib. Polis öz kimliyini gizlədərək həkimlə əlaqə saxlayıb və özünü müştəri kimi təqdim edib. Həkim onu mərkəzinə dəvət etdikdən sonra polis əməliyyat keçirərək ofisə basqın edib və saxta həkimi həbs edib.

Dindirilmə zamanı saxlanılan şəxsin sözlərinə görə, hazırda hər prosedur üçün 5.000 baht (150 dollar) ilə 20.000 baht (600 dollar) arasında ödəniş alır. Şübhəli icazəsiz tibb klinikası idarə etməkdə və lisenziyasız tibbi xidmət göstərməkdə ittiham olunub .

Telegramda izləyin

instagramda izləyin