Polis vətəndaşı hansı müddətdə bölmədə SAXLAYA BİLƏR? - VİDEO

Pis iş görməmisənsə, qapının döyülməyindən qorxma. Hüquq-mühafizə orqanlarının əməkdaşları sizə yaxınlaşıb onunla idarəyə və ya şöbəyə getməli olduğunuzu bildirirsə bu zaman qanunlar işə düşür.

Sonxeber.az xəbər verir ki, mövzu ilə bağlı İTV-nin əməkdaşları süjet hazırlayıb:

"Hüquq-mühafizə orqanları vətəndaşa yaxınlaşan zaman öz xidməti vəsiqəsini təqdim etməlidirlər. İlk olaraq vətəndaşa saxlanma səbəbi bildirilməlidir. Daha sonra isə sənədlərin araşdırılmasına başlanılır. İlk üç saat bölməyə gətirilən zaman vətəndaşın şəxsiyyəti müəyyənləşdirilir. Üç saat ərzində saxlanılan şəxsin törətdiyi əməllər araşdırılır".

Üç saatdan sonra sərbəst buraxılmayan vətəndaşın əməlində hər hansı bir inzibati xəta aşkar edilərsə, bu zaman protokol tərtib edilir və vətəndaşa təqdim olunur. Əgər inzibati xətada inzibati həbs nəzərdə tutulubsa protokol dərhal məhkəməyə təqdim edilir. İnzibati işə baxan məhkəmə müvafiq qərar qəbul edir.

Ətraflı videomaterialı təqdim edirik:

Telegramda izləyin