Azərbaycanda nikah yaşı 20-yə qaldırılır? - AÇIQLAMA

Günümüzün ən aktual məsələlərindən biri də nikah yaşıdır. Həm mediada, həm də ictimaətdə 18 yaşın belə nikah üçün tez olduğu ilə bağlı fikirlər mövcuddur. Bəs, nikah yaşının 20-ə qaldırılma ehtimalı varmı?

Mövzu ilə bağlı Sonxeber.az-a sosioloq Lalə Mehralı danışdı.

Sosioloq açıqlamasında nikah yaşının 18-dən başlamasının əsas tərəflərini vurğuladı. O, gənc yaşda ana olanlarla, 30-35 yaş arası ailə qurub uşaq dünyaya gətirənlərin övladlarının sağlamlıq baxımdından bir olmadığını da qeyd etdi:

"Nikah yaşının qanunla 18 olaraq təyin edilməsi tamamilə normaldır. 18 yaşında evlənən biri üçün erləkən nikah deyə bilmərik. Çünki dövlət ona bu icazəni verib. Onu bir fərd, şəxs olaraq təsdiqləyir və onun da normal bir vətəndaş kimi hüquqları əldə etmiş olur. Bundan sonra isə onun evlilik qərarı tamamilə özünün şəxsi qərarı olur. Ona görə də bu yaşda evlənənə erkən nikah deyə bilmərik. Doğrudur, biz övladımızın, əzizimizin 18-19 yaşında evlənməyin tərəfdarı olmaya bilərik, amma o əgər bunu istəyirsə, nikaha yaşı uyğundur və evlənməsi üçün heç bir problem yoxdur. Təbii olaraq biz istəyirik ki, təhsilini alsın, işini qursun, yaxud işə başlasın, gəlir əldə etsin və bundan sonra ailə həyatı qursun. Belə olduğu halda təhsil istiqamətinə yönələn qızlar adətən evliliyi çox gecikdirirlər. Evlilik yaşını 27-30 yaşına qədər artıranlar da olur. Universiteti bitirirlər, daha sonra magistr və digər təhsil pilləri, kariyera, fərqli istəklər, dünyanı görmək, səyahət etmək vəs. Bunla da yaş ötdükcə evlilik atılır ikinci plana. Təbii ki, xüsusiliklə qadınlarda nəslartırma qabiliyyəti ilə bağlı problemlər yaranır. 20-22 yaşında dünyaya uşaq gətirən qadının övladının sağlamlığı 30-35 yaşında qadının dünyaya gətirdiyi uşağın sağlamlığı eyni olmur. Yəni, 30-35 yaşında ilk doğuşunu edən, qadınlar təbii ki, problemlər meydana çıxır, amma 18-22 yaşında ana olan qadınlarda bu problemlər olmur. Tibbdə də deyilib, bədənin yetişkənlik dövrü, necə deyərlər, nəslartırma qabiliyyəti var ki, bunlar hamısı müəyyən yaşdan sonra zəifləyir.

Bu səbəblərdən dolayı da 18 yaşında evlənmək istəyən biri üçün erkən nikah deyə bilmərik, qanunlarımız ona icazə verir. Bu gün karyerası, işi ilə ailə qurub iksini bir arada idarə edən qızlarımız da var. Onlar bunu bacarırsa niyə də evlənməklərinə qadağa qoyaq?! Əgər zorakılıqla yox özü evlilik üçün könüllüdürsə, buna nə qanunlar, nə də ictimaət qadağa qoya bilməz.
Evlilik yaşının 20 olma ehtimalı məsələsinə gəldikdə isə, məncə olmaz. Qanun 18 yaşımızda bir çox hüquqlarımızı təsdiqləyirsə, dövlət evliliklə bağlı olan qərarımızı da təsdiqləyir".

Vüsalə İbrahimli

Telegramda izləyin